Hpyen Arawng Aya Ni Hpe Jinghpaw Ga Hku Tara Shang Gara Hku Shamying Jai Lang Nga A Ta?

By Ah Pan

25 May 2024 – Kachinwaves

▪︎ ယခုအပတ်မှာတော့ စစ်ဖက်ဆိုင်ရာ ရာထူးအဆင့်ဆင့်ကို ကချင် (ဂျိန်းဖေါ့) စကားနဲ့ တရားဝင် ခေါ်ဆိုတဲ့ အခေါ်အဝေါ်တွေကို တင်ဆက်လိုက်ပါတယ်။

Ndai bat hta gaw English hku (Rank) ngu ai hpyen magam gun ni a arawng aya ni hpe Jinghpaw ga hku KIA hpyen dap hta tara shang shamying jai lang nga ai gasi ni hpe KIO Shiga Magam Dap kawn galaw lajang da ai Bungli Matsing Buk hpe shamyet shanat nna ngai shisawk Ah Pan tang madun mat wa na nngai.

Hpyen arawng aya ni hpe nem ai (npu tsang) kaw na tsaw ai tsang de gara hku shamying mat wa ai hpe Myen ga hte Jinghpaw gasi lahkawng hpe gapyawn nna tang madun mat wa na re.

Shawng nnan Myen ga hku;

တပ်သား – Dap Ma,

ဒုတပ်ကြပ် – Lat Gyi,

တပ်ကြပ် – Gyi,

တပ်ကြပ်ကြီး – Gyi Jum,

ဒုအရာခံဗိုလ် – Du Tau Tsang II,

အရာခံဗိုလ် – Du Tau Tsang I,

ဒုဗိုလ် – Lat Du,

ဗိုလ် – Du,

ဗိုလ်ကြီး – Du Jum,

ဗိုလ်မှူး – Du Up,

ဒုဗိုလ်မှူးကြီး – Lat Du Up Jum,

ဗိုလ်မှူးကြီး – Du Up Jum,

ဗိုလ်မှူးချုပ် – Du Up Daju,

ဗိုလ်ချုပ် – Du Daju,

ဒုဗိုလ်ချုပ်ကြီး – Lat Du Daju Jum,

ဗိုလ်ချုပ်ကြီး – Du Daju Jum ni rai nga ai.

ဗိုလ်မှူး ngu ai Du Up tsang hte lahta tsang ni hpe Du Kaba ngu nna mungshawa, dapshawa ni gaw tsun shaga jai lang nga ai re.

Wunpawng Mungdan Shanglawt Hpung (KIO) Ginjaw Komiti Tingnyang Up, Wunpawng Mungdan Shanglawt Kongsi (KIC) Ningbaw Kaba, Wunpawng Mungdan Shanglawt Hpyen Dap (KIA) Dap Up Daju Nban La a hpyen arawng aya gaw, Du Daju Jum rai nga ai.

Shiga hpe yu n-gun jaw nga ai ni yawng gaw, hpyen dap a arawng aya ni tara shang gara hku shamying jai lang nga ai hpe Myen ga hte Jinghpaw ga lahkawng yan hku chye la lu sana re ngu kam let, ndai bat na Jinghpaw lamang hpe ndai kaw sha jahkring da sai law. Chyeju kaba sai.