ဗန်းမော် – မံစီ လမ်းက KIA သိမ်းပိုက်ထားတဲ့ စခန်းဘက်ကိုလှုပ်ရှားလာတဲ့ စစ်ကောင်စီစစ်ကြောင်း တိုက်ခိုက်ခံရ
–
ကချင်ပြည်နယ်၊ မံစီဘက်စစ်ကြောင်းထိုးလာတဲ့ စစ်ကောင်စီယာဉ်တန်းကို မနေ့က မွန်းလွဲပိုင်းမှာ KIA ပူးပေါင်းအဖွဲ့က ကြားဖြတ်တိုက်ခိုက်ခဲ့တယ်လို့ သိရပါတယ်။
KIA ပူးပေါင်းအဖွဲ့သိမ်းပိုက်ထားတဲ့ ဗန်းမော်နဲ့ မံစီမြို့ ကားလမ်းမကြီးဘေးက ကောင်ဂျာယန် စစ်တပ်စခန်းဘက်ကို စစ်ကြောင်းထိုးလာတဲ့ စစ်ကောင်စီယာဉ်တန်းကို ကြားဖြတ်တိုက်ခိုက်ရာကနေ တိုက်ပွဲဖြစ်ပွားခဲ့တယ်လို့ စစ်ရေးသတင်းရင်းမြစ်နဲ့ နီးစပ်သူတစ်ဦးက ဆိုပါတယ်။
“ကောင်ဂျာယန်ဘက်ကိုတိုက်ဖို့ စစ်ကြောင်းထိုးလာတာကို ဒီဘက် (KIA) က ဖြတ်တိုက်တော့ တိုက်ပွဲဖြစ်လိုက်ကြတယ်၊၊”လို့ ပြောပါတယ်၊၊
ကြားဖြတ်တိုက်ခိုက်ခံရတဲ့ စစ်ကောင်စီစစ်ကြောင်းကတော့ ပြန်ဆုတ်ခွာသွားတယ်လို့ သိရပါတယ်။
ကောင်ဂျာယန်စခန်းဟာ ဗန်းမော်မြို့ကနေ ၅ မိုင်သာကွာဝေးတဲ့ ဗန်းမော်မြို့နယ်က စစ်ကောင်စီတပ် စခန်းထိုင်ခဲ့တဲ့စခန်းတစ်ခုဖြစ်ပြီး၊ ဩဂုတ်လ ၂၀ ရက်နေ့က KIA နဲ့ ပူးပေါင်းအဖွဲ့တွေ သိမ်းပိုက်နိုင်ခဲ့တာ ဖြစ်ပါတယ်။
ဗန်းမော် – မိုးမောက်မြို့ကြား လမ်းမပေါ်မှာရှိတဲ့ မိုးမောက်မြို့စောင့်တပ်ဖြစ်ပြီး ဗန်းမော်မြို့ လုံခြုံရေးအတွက် အရေးပါတဲ့ ခမရ ၄၃၇ တပ်ကိုလည်း ဩဂုတ် ၁၉ ရက်နေ့က KIA ပူးပေါင်းအဖွဲ့က အပြီးသတ်သိမ်းပိုက်လိုက်နိုင်တာ ဖြစ်ပါတယ်။
ပုလဲမြို့ တိုက်ပွဲပြင်းထန်နေပြီး စစ်ကောင်စီက လေကြောင်းနဲ့ အပြင်းအထန်ခုခံနေ၊ ပြည်သူတစ်သောင်းကျော် စစ်ရှောင်နေရ 
၁၀ နှစ်ကျော်ကြာပြီးမှ ပထမဆုံးအကြိမ် ပြန်လည်ကျင်းပနိုင်သည့် နားလုံကျေးရွာက ကထိန်အလှူတော်မင်္ဂလာ 
ကောလင်း စစ်ဘေးရှောင်တွေ လက်မှုပညာ သင်တန်းတက်ပြီး ပြန်လည်ထုတ်လုပ်ရောင်းချ 
NUG အစိုးရ တီထွင်ထားတဲ့ VPN ကို စမ်းသပ်သုံးစွဲနေပြီလို့ပြော 
မိုးညှင်းမြို့၊ ကြည်နူးရိပ် KTV မှာ သောက်စားနေတဲ့ စစ်ကောင်စီ ရဲ၊ ပြည်သူ့စစ်နဲ့ စီးပွားရေးသမားတွေ ပစ်ခတ်ခံရပြီး ၉ ဦး သေဆုံး 
မိုးညှင်းမှာ SNA တွေက ဆိုင်ကယ်နဲ့ ဆီသယ်သူတွေကို ဖမ်းဆီးငွေညှစ်နေ 