အရှေ့မြောက်တိုင်းစစ်ဌာနချုပ် (ရမခ) ကို MNDAA နဲ့ ပူးပေါင်းတပ်တွေ အပြီးသိမ်းပိုက်
–
ရှမ်းပြည်နယ်မြောက်ပိုင်း၏ မြို့တော် လားရှိုးမြို့သိမ်းတိုက်ပွဲမှာ စစ်ကောင်စီတပ်ရဲ့ အရှေ့မြောက်တိုင်း စစ်ဌာနချုပ် (ရမခ) ကို ဒီနေ့ ဩဂုတ်လ ၃ ရက်နေ့ မနက်ပိုင်းမှာ မြန်မာအမျိုးသားဒီမိုကရက်တစ် မဟာမိတ်တပ်မတော် (MNDAA) က အပြီးသတ်သိမ်းပိုက်လိုက်ပြီဖြစ်ကြောင်း စစ်ရေးသတင်းရင်းမြစ်တွေက ပြောပါတယ်။
လားရှိုးမြို့က စစ်ကောင်စီတပ်စခန်းတွေကို MNDAA နဲ့ ပူးပေါင်းတပ်တွေ ဇူလိုင်လ ၃ ရက်နေ့ကနေ စတင်ထိုးစစ်ဆင် တိုက်ခိုက်ခဲ့ပြီး လားရှိုးမြို့နေရာအများစုကိုလည်း သိမ်းပိုက်ထားနိုင်ခဲ့တာ ဖြစ်ပါတယ်။
အခုရက်ပိုင်းမှာတော့ လားရှိုးမြို့က အရှေ့မြောက်စစ်ဌာနချုပ် (ရမခ) ကိုလည်း အပြီးသတ်သိမ်းပိုက်ရန် MNDAA နဲ့ ပူးပေါင်းတပ်တွေက အပြင်းအထန်ထိုးစစ်ဆင်ခဲ့ပြီးနောက် မနေ့က ဩဂုတ်လ ၂ ရက်နေ့မှာ စစ်ကောင်စီတပ်မိသားစုဝင်တွေအပါအဝင် အင်အား ၂၀၀ လက်နက်ချခဲ့ပြီး ဒီနေ့ ဩဂုတ်လ ၃ ရက်နေ့မှာ (ရမခ) ကို အပြီးသတ်သိမ်းပိုက်နိုင်ခဲ့တယ်လို့ စစ်ရေးသတင်းရင်းမြစ်တွေကနေ သိရပါတယ်။
စစ်ကောင်စီထောက်ခံသူတွေရဲ့ တယ်လီဂရမ် ချန်နယ်နယ်တွေမှာလည်း ရမခ ကျသွားလို့ ဝမ်းနည်းကြောင်း ပို့စ်တွေတင်နေကြတာကို တွေ့ရပါတယ်။
စစ်ကောင်စီတပ်ရဲ့ စစ်တိုင်း (၁၄) တိုင်းအနက် ရမခ ဟာ ပထမဆုံး တော်လှန်ရေးတပ်ဖွဲ့တွေ သိမ်းပိုက်လိုက်တဲ့ စစ်တိုင်းဌာနချုပ် ဖြစ်လာပြီဖြစ်ပါတယ်။
လူ ၂၀ ဝန်းကျင်ပျောက်ဆုံးခဲ့သည့် ကျောက်စိမ်းလုပ်ကွက်မြေစာပုံတွင် ကျောက်ရှာသူများ ပြန်လည်စည်ကားနေ 
အင်းတော်မြို့နယ်က တောင်သူတွေ စပါးဈေးကျလို့ အရှုံးပေါ် 
လေးလကျော်လာတဲ့ အင်းတော်ကြီးဒေသက စစ်ရှောင်များအတွက် အကူအညီလိုအပ်နေ 
အင်းတော်ကြီး နမ့်မွန်းကျေးရွာမှာ ပြည်သူ့နေအိမ်တွေကို SNA ရှမ်းနီတပ် မီးရှို့ခဲ့ 
တန့်ဆည်မှာ စစ်ကောင်စီတပ်နဲ့ ပျူစောထီးတွေက ကျေးရွာတွေကို ဒရုန်းနဲ့ ဗုံးလိုက်ကြဲနေ 
ဘုတလင်မြို့နယ် သဖန်းရွာကို စစ်ကောင်စီတပ်က မီးရှို့ဖျက်ဆီးပြီး ပြည်သူတစ်ဦးကိုလည်း ပစ်သတ်ခဲ့ 