ရွှေဘိုမြို့ မြတောင်ရပ်ကွက်တွင် မီးလောင်မှုဖြစ်ပွားခဲ့
![](https://kachinwaves.com/wp-content/uploads/2024/04/435066024_829414692555756_2734260662407322664_n-1024x1365.jpg)
10 April 2024 – Kachinwaves
စစ်ကိုင်းတိုင်း၊ ရွှေဘိုမြို့၊ အမှတ် (၁) နယ်မြေ၊ မြတောင်ရပ်ကွက်၊ ဂေါက်ကွင်းလမ်းဘက်တွင် မီးလောင်မှုဖြစ်ပွားခဲ့ပြီး နေအိမ်ဆယ်လုံးကျော် မီးစွဲလောင်ကျွမ်းသွားကြောင်း ဒေသခံများထံမှ သိရသည်။
ယနေ့ည ၈ နာရီအချိန်ခန့်တွင် စတင်လောင်ကျွမ်းခဲ့ပြီး ၁၀ နာရီခန့်အချိန်တွင်တော့ ဗဟိုမီးသတ်မှ မီးသတ်ကား ၅ စီးဖြင့် ငြိမ်းသတ်နိုင်ခဲ့သည်ဟု ဒေသခံတစ်ဦးက ပြောသည်။
“မြတောင်ရပ်ကွက် ၉ လမ်း နှင့် ၁၀ လမ်းကြား အကုန်လောင်သွားတယ်။ နောက်ဆုံးအိမ် တစ်လုံးပဲကျန်တယ်။ ခန့်မှန်း အိမ်ခြေ ၁၀ လုံးထက်မနည်း လောင်ကျွမ်းသွားတယ်။ အဲ့နေရာက ရပ်ဝေးကနေ အိမ်ငှား လာနေသူ အများအပြား နေထိုင်ကြတယ်လို့ သိရှိရပါတယ်။”ဟု ဆိုသည်။
မီးလောင်သွားသည့်ဖြစ်စဉ် အသေးစိပ်ကို မသိရှိရသေးဘဲ အိမ်ငှားထားသော နေအိမ်တစ်လုံးမှ စတင် မီးလောင်ခဲ့ကြောင်းသာ သိရသည်။
လွန်ခဲ့သည့် ၂၀၂၁ ခုနှစ် မေလ ၁၅ ရက်နေ့ကလည်း ရွှေဘိုစည်ပင်သာယာဈေးကြီး မီးလောင်ခဲ့ပြီး ဆိုင်ခန်းပေါင်း ၉၀၀ ကျော် မီးလောင်ပျက်ဆီးခဲ့သည်။