ဖားကန့် ကျောက်ဝိုင်းထဲ စကစ ရဲတပ်ရင်း ပစ်ခတ်လိုက်တဲ့ လက်နက်ကြီး ကျရောက်ပေါက်ကွဲပြီး အရပ်သား ၃ ဦး ထိခိုက်
1 March 2024 – Kachinwaves
ဖားကန့်မြို့နယ်၊ ဆိုင်းတောင်ကျေးရွာမှာ ဒီကနေ့ညနေ ၆ နာရီက စစ်တပ်ကပစ်ခတ်တဲ့ လက်နက်ကြီး ရွာထဲကျရောက်ပေါက်ကွဲခဲ့လို့ အရပ်သား ၃ ဦး ထိခိုက်ဒဏ်ရာရရှိခဲ့တယ်လို့ သိရပါတယ်။
ဆိုင်းတောင်ကျေးရွာအလယ်မှာရှိတဲ့ ရဲတပ်ရင်း (၃၀) က ပစ်ခတ်လိုက်တဲ့လက်နက်ကြီးတစ်လုံးဟာ ကျောက်ဝိုင်းမှာ ကျရောက်ပေါက်ကွဲခဲ့ပြီး စစ်ရှောင်မိသားစုတစ်စု ထိခိုက်ခဲ့တယ်လို့ ဆိပ်မူဒေသခံတစ်ဦးက ဆိုပါတယ်။
“တမင်သက်သက် ရည်ရွယ်ချက်နဲ့ ပစ်တာပါ။ သူတို့ (စစ်ကောင်စီ) က။ အဲ့ဒီအချိန်က ကျောက်ဝိုင်းထဲမှာ ကျောက်ဝယ်လက်တွေ စုဝေးနေတဲ့အချိန် လူရာနဲ့ချီရှိတယ်လေ။ ကျောက်ဝိုင်းထိပ်ကိုကျတာ။”
ထိခိုက်ဒဏ်ရာရသူတွေဟာ ဝှေခါကနေ စစ်ရှောင်လာတဲ့ မိသားစုဝင် ၃ ဦးဖြစ်ပြီး မစိုးရိမ်ရတဲ့ဒဏ်ရာတွေရရှိခဲ့တယ်လို့ သိရပါတယ်။
တိုက်ပွဲမဖြစ်ခဲ့ပေမယ့် တော်လှန်ရေးတပ်ဖွဲ့တွေဘက်က ရဲတပ်ရင်း ၃၀ ရှိတဲ့ကုန်းထဲ ဗုံးချတိုက်ခိုက်ခဲ့လို့ စစ်တပ်ဘက်က ပြန်လည်ပစ်ခတ်တာဖြစ်တယ်လို့ ဆိုပါတယ်။
မနေ့ကလည်း ဖားကန့်မြို့ထဲကနေရာ ၂ နေရာမှာ လက်နက်ကြီး ၃ လုံးကျရောက်ပေါက်ကွဲခဲ့ပြီီး အမျိုးသားတစ်ဦး လက်နက်ကြီးစထိမှန် ဒဏ်ရာရခဲ့ပါတယ်။
လူ ၂၀ ဝန်းကျင်ပျောက်ဆုံးခဲ့သည့် ကျောက်စိမ်းလုပ်ကွက်မြေစာပုံတွင် ကျောက်ရှာသူများ ပြန်လည်စည်ကားနေ 
အင်းတော်မြို့နယ်က တောင်သူတွေ စပါးဈေးကျလို့ အရှုံးပေါ် 
လေးလကျော်လာတဲ့ အင်းတော်ကြီးဒေသက စစ်ရှောင်များအတွက် အကူအညီလိုအပ်နေ 
အင်းတော်ကြီး နမ့်မွန်းကျေးရွာမှာ ပြည်သူ့နေအိမ်တွေကို SNA ရှမ်းနီတပ် မီးရှို့ခဲ့ 
တန့်ဆည်မှာ စစ်ကောင်စီတပ်နဲ့ ပျူစောထီးတွေက ကျေးရွာတွေကို ဒရုန်းနဲ့ ဗုံးလိုက်ကြဲနေ 
ဘုတလင်မြို့နယ် သဖန်းရွာကို စစ်ကောင်စီတပ်က မီးရှို့ဖျက်ဆီးပြီး ပြည်သူတစ်ဦးကိုလည်း ပစ်သတ်ခဲ့ 
စစ်ကိုင်းစစ်ရေး အရေးကြီးပြီ 