မိုင်ဂျာယန်မြို့တွင် ကလေးငယ်တစ်ဦးအား ဂျပ်ဖာထဲထည့်ပြီး ချုံပုတ်၌စွန့်ပစ်ထား

22 February 2024 – Kachinwaves

မိုင်ဂျာယန်မြို့တွင် ကလေးငယ်တစ်ဦးအား ဂျပ်ဖာထဲထည့်ပြီး ချုံပုတ်၌စွန့်ပစ်ထားသည်ကို ယမန်နေ့က တွေ့ရှိခဲ့ကြောင်း သိရသည်။

မိုင်ဂျာယန်မြို့ လွယ်ဒေါင်ဘွမ် (Loi Dawng Bum) တောင်တက်လမ်း ချုံပုတ်၌စွန့်ပစ်ထားသည်ကို မိုင်ဂျာယန်ကော်လိပ် ကျောင်းသားများတွေ့ရှိပြီး သက်ဆိုင်ရာ ရဲဌာနကို အကြောင်းကြားကာ ညနေအချိန်တွင် မီးရှို့သင်္ဂြိုလ်ခဲ့ကြောင်း သိရသည်။

၎င်းဖြစ်စဉ် ဖြစ်ပွားခဲ့သည်မှာ မှန်ကန်ကြောင်း မိုင်ဂျာယန်မြို့ KIO ရဲတပ်ဖွဲ့မှ တာဝန်ရှိသူတစ်ဦးက အတည်ပြု ပြောဆိုသည်။

ယခုလို ဖြစ်စဉ်မျိုး မိုင်ဂျာယန်မြို့တွင် ယခင်က ဖြစ်ပွားခဲ့သည်ကို မကြားခဲ့ဖူးကြောင်းနှင့် အမှုဖြစ်စဉ်နှင့် ပတ်သက်၍ ဆက်လက်စုံစမ်းနေဆဲ ဖြစ်ကြောင်း သိရသည်။