KIA/KIO နှင့် K-PDF သို့ ဝင်ရောက် တာဝန်ထမ်းဆောင်နိုင်ကြောင်း ရွှေကူ PDF တပ်ရင်းက ထုတ်ပြန်

13 February 2024 – Kachinwaves

အသက် ၁၈ နှစ်ပြည့်ပြီး စစ်ကောင်စီအမြစ်ပြတ်ချေမှုန်းရေးအတွက် တော်လှန်လိုစိတ်ရှိသူများအား ပန်ကြားချက် ရွှေကူ PDF တပ်ရင်းက ထုတ်ပြန်လိုက်သည်။

“အကြမ်းဖက် စစ်ကောင်စီအား အမြစ်ပြတ်ချေမှုန်းလိုသည့် ပြည်သူ့သားကောင်း/ သမီးကောင်းများအနေဖြင့် ရွှေကူ K-PDF တပ်ရင်းသို့ ဆက်သွယ်၍ ပြည်သူ့တော်လှန်ရေးတွင် ပါဝင်နိုင်ပြီ ဖြစ်ပါသည်။”ဟု ထုတ်ပြန်ထားသည်။

တာဝန်ထမ်းဆောင်လိုသူများအနေဖြင့် KIA (သို့) KIO (သို့) K-PDF ကဏ္ဍအသီးသီးတွင် ရွေးချယ်ဝင်ရောက်နိုင်ကြောင်း ပါရှိသည်။

ကိုယ်လက်အင်္ဂသန်စွမ်းပြီး ကျန်းမာရေးကောင်းသူ၊ စိတ်ဓါတ်ကောင်းပြီး တော်လှန်ရေးအဆုံးထိ တာဝန်ထမ်းဆောင်နိုင်သူနှင့် အမိန့်နှင့် တာဝန်ကို တိတိကျကျ လိုက်နာထမ်းတောင်နိုင်သူ ဖြစ်ရမည်ဟု ဖော်ပြထားသည်။