ကရင်တွင် စစ်ရဟတ်ယာဉ်တစ်စင်း ပစ်ချခံရ၊ တပ်မမှူးသေဆုံး

29 January 2024 – Kachinwaves

ကရင်ပြည်နယ်၊ မြဝတီမြို့အနီး သင်္ဃန်းညီနောင်၊ ခမရ (၃၅၅ )တွင် ယနေ့ မွန်းလွဲ ၂ နာရီခွဲခန့်က ကောင်စီ စစ်ရဟတ်ယာဉ်တစ်စီး ပစ်ချခံရကြောင်း သိရသည်။

ပစ်ချခံရသည့် စစ်ရဟတ်ယာဉ်နှင့်အတူ တပ်မ ၄၄ တပ်မမှူး ဗိုလ်မှူးချုပ် အေးမင်းနောင် အပါအဝင် ၅ ဦးခန့် သေဆုံးခဲ့ကြောင်း ဒေသခံ KIC သတင်းဌာနက ဖော်ပြထားသည်။

တပ်ချိန်းရန်လာသည့် အဆိုပါ ရဟတ်ယာဉ်ကို တော်လှန်ရေးတပ်ဖွဲ့ က စနိုက်ပါလက်ဖြောင့်သေနတ်ဖြင့် ပစ်ခတ်ရာတွင် လေယာဉ်မှူးကို ထိမှန်သည့်အတွက်် ယခုလို ရဟတ်ယာဉ်ပျက်ကျပြီး ထိခိုက်သေဆုံးခဲ့ခြင်းဖြစ်ကြောင်း သိရသည်။

၎င်းစစ်ရဟတ်ယာဉ်သည် ခမရ တပ်ရင်း ၃၅၅ နှင့် ၃၅၆ တပ်စခန်း ၂ ခုကြား တောအုပ်အတွင်း ပျက်ကျခဲ့ကြောင်း KIC သတင်းဌာနက ဖော်ပြထားသည်။

Photo-CJ (KIC)