မြစ်ကြီးနားမြို့တွင်း ယနေ့ည ဗုံးပေါက်ကွဲသံကြားရသလို၊ ဗုံးသံများခပ်စိပ်စိပ်ကြား‌ေနရ

23 November 2023- Kachinwaves

ကချင်ပြည်နယ်၊ မြစ်ကြီးနားမြို့တွင် ယခုရက်ပိုင်းအတွင်း ဗုံးကွဲမှုများ ခပ်စိပ်စိပ်ဖြစ်ပွါးနေကြောင်း သိရသည်။

ယနေ့ည ၈ နာရီ ၁၅ မိနစ်ခန့်က တပ်ကုန်းရပ်ကွက်တွင် ဗုံးပေါက်ကွဲသံကျယ်လောင်စွာ ကြားရကြောင်း တပ်ကုန်းရပ်ကွက်နေ အမျိုးသမီးတစ်ဦးက ဆိုသည်။

“တပ်ကုန်းထင်တာပဲ။ အရမ်းနီးသလိုပဲ။ ဗုံးပေါက်တာတဲ့”

အိမ်တုန်သည်အထိ ပေါက်ကွဲမှုမှာ ပြင်းထန်ကြောင်း အေးမြသာယာရပ်ကွက်နေ ပြည်သူတစ်ဦးက ဆိုသည်။

အသံမိုင်းပေါက်ကွဲခြင်းဖြစ်မည်ဟု ဒေသခံများကယူဆကြပြီး မည်သည့်နေရာတွင်ပေါက်ကွဲပြီး ထိခိုက်ပျက်စီးမှုရှိ၊ မရှိမူ အတည်မပြုနိုင်သေးပါ။

နိုဝင်ဘာ ၁၈ ရက်နေ့ညကလည်း ဗုံးပေါက်ကွဲသံကြားခဲ့ရပြီး နိုဝင်ဘာ ၂၀ ရက်နေ့ညတွင်မူ ဗုံးကွဲသံကြားပြီးနောက် သေနတ်ပစ်ခတ်သံတစ်ချက်ကို ထွက်ပါ်ခဲ့သည်ဟု သူကဆိုသည်။

ရှမ်းပြည်မြောက်ပိုင်းရှိ ညီနောင်သုံးဖွဲ့၏ ၁၀၂၇ စစ်ဆင်ရေးစတင်ပြီးနောက်ပိုင်းတွင် မြစ်ကြီးနားမြို့တွင် ဗုံးပေါက်ကွဲသံများ ခပ်စိပ်စိပ်ပြန်ကြားလာရခြင်းဖြစ်သည်။

===

ပုံ – မြစ်ကြီးနားမြို့ ယခင်ပုံဟောင်းဖြစ်သည်။