ဒေါ့ဖုန်းယန်မှ အမျိုးသားတစ်ဦး မြေမြုပ်မိုင်းနင်းမိ၍ ခြေထောက်တစ်ဖက် ခြေတလုံးပျက်စီးဒဏ်ရာရ

25 October 2023 – Kachinwaves

မိုးမောက်မြို့နယ် ဒေါ့ဖုန်းယန်မြို့မှ အမျိုးသားတစ်ဦး လယ်ယာသွားသည့်လမ်းတွင် မိုင်းနင်းမိ၍ ညာခြေထောက်ခြေတလုံး ထိခိုက်ပျက်စီး ဒဏ်ရာရရှိကြောင်း သိရသည်။

ယမန်နေ့ အောက်တိုဘာ ၂၄ ရက်နေ့ နံနက်ပိုင်း ၁၁ နာရီကျော်အချိန်တွင် ဒေါ့ဖုန်းယန်မှ ဒိန်ဂါယန်ရှိ လယ်ယာသို့သွားသည့်လမ်း၌ မိုင်းနင်းမိခဲ့ခြင်း ဖြစ်ကြောင်း သတင်းသိရရှိသည်။

၎င်းမြေမြုပ်မိုင်းသည် မည့်သည့်အဖွဲ့၏ မိုင်းဖြစ်ကြောင်းကိုတော့ မသိရှိရပါ။ မိုင်းနင်းမိသူ အသက် (၃၀) နှစ်အရွယ် အမျိုးသားကို ဗန်းမော်ဆေးရုံသို့ ပို့ဆောင်ထားကြောင်းလည်း သတင်းရင်းမြစ်ထံမှ သိရသည်။