ဖားကန့်တွင် လူနှစ်ယောက် လက်သည်မပေါ်ဘဲ ပစ်သတ်ခံရပြန်
Mandatory Credit: Photo by La Min Tun/EPA/Shutterstock (8450682c) Miners search for jade stone near the heavy earth-excavators at the Hpa Kant jade mining area, Kachin State, northern Myanmar, 25 February 2017 (Issued 01 March 2017). According to reports, Myanmar exported over one billion dollars worth of jade during the 2014-2015 fiscal year, and it is the source for about 70 percent of the world's high quality jade production. Jade mine in Kachin state, Hpakant, Myanmar - 25 Feb 2017
5 October 2023 – Kachinwaves
ကချင်ပြည်နယ်၊ ဖားကန့်မြို့တွင် ယနေ့မွန်းလွဲပိုင်း ၃ နာရီဝန်းကျင်က အမျိုးသားနှစ်ဦး သေနတ်ဖြင့် ပစ်သတ်ခံရကြောင်း သိရသည်။
ဖားကန့်မြို့၊ မမုံကျေးရွာ ထွန်းဆီဆိုင်ရှေ့တွင် အမျိုးသားတစ်ဦး သေနတ်ဖြင့် ပစ်သတ်ခံရကြောင်း မျက်မြင်တွေ့ရှိသူ ဖားကန့်ဒေသခံ အမျိုးသမီးတစ်ဦးက ဆိုသည်။
“ဆီထည့်နေတာ သူတို့က ကျွန်မတို့နဲ့ နည်းနည်းလှမ်းတယ်။ ဆီဆိုင်မှာ သူတို့ကလည်း ဆီထည့်နေတာ။ အဲ့ဒီမှာ ပစ်သွားတာလေ”
သေဆုံးသူမှာ အသက် ၂၀ နှစ်ဝန်းကျင်အရွယ် အမျိုးသားတစ်ဦးဖြစ်ပြီး ၎င်း၏အမည်ကို မသိရှိရသေးပါ။
အလားတူ ဖားပြင်ကျေးရွာအဝင် ဥရုချောင်းဘေးတွင်လည်း ဆိုင်ကယ်စီးနင်းလာသူ အမျိုးသားတစ်ဦး သေနတ်ဖြင့် ပစ်သတ်ခံရသည်ဟု ၎င်းက ပြောသည်။
“အိမ်ဘေးကမောင်လေးက ဖားကန့်ဘက်ကိုသွားတာ။ အဲ့နားရောက်တော့ အသံနှစ်ချက်ကြားလိုက် တယ် တဲ့။ ဆိုင်ကယ်ဘီးပေါက်တာလို့ ထင်လိုက်တာတဲ့။ ရှေ့သွားကြည့်မှ ဈေးသည်၊ မုန့်ပို့တဲ့သူလို့ ထင်တယ်တဲ့”
သေဆုံးသူမှာ ဖားကန့်မြို့၊ မှော်ဝမ်းရပ်ကွက်တွင် နေထိုင်သည့် ဦးစန်းမြင့်ဆိုသူဖြစ်ကြောင်း သိရှိရပြီး အကြော်စုံမုန့်များ လိုက်လံရောင်းချသူဖြစ်ကြောင်း သိရသည်။
အောက်တိုဘာလ ၃ ရက်နေ့ကလည်း ဖားကန့်မြို့၊ ကုဋေမှော်ကျေးရွာတွင် အချဉ်ပေါင်းရောင်းသည့် အမျိုးသားတစ်ဦး ပစ်သတ်ခံခဲ့ရသလို အောက်တိုဘာလ ၁ ရက်နေ့ကလည်း လုံးခင်းကျေးရွာအုပ်စု ကထန်ကျေးရွာသွားလမ်းတွင် ရေခဲချောင်းသည်တစ်ဦး ပစ်သတ်ခံရသည့် ဖြစ်စဉ်များရှိခဲ့သည်။
စစ်တပ်က အာဏာသိမ်းသည့်နောက်ပိုင်း ဖားကန့်မြို့နယ်အတွင်း လက်သည်မပေါ်သည့် ခိုးမှု၊ လုယက်မှု၊ လူသတ်မှုများ အဖြစ်များလာပြီး ၂၀၂၂ နှောင်းပိုင်းမှစပြီး လက်နက်ကိုင်တပ်ဖွဲ့များအကြား တိုက်ပွဲ ဖြစ်ပွား သည့် အကြိမ်လည်း စိပ်လာသည်။
ပုလဲမြို့ တိုက်ပွဲပြင်းထန်နေပြီး စစ်ကောင်စီက လေကြောင်းနဲ့ အပြင်းအထန်ခုခံနေ၊ ပြည်သူတစ်သောင်းကျော် စစ်ရှောင်နေရ 
၁၀ နှစ်ကျော်ကြာပြီးမှ ပထမဆုံးအကြိမ် ပြန်လည်ကျင်းပနိုင်သည့် နားလုံကျေးရွာက ကထိန်အလှူတော်မင်္ဂလာ 
ကောလင်း စစ်ဘေးရှောင်တွေ လက်မှုပညာ သင်တန်းတက်ပြီး ပြန်လည်ထုတ်လုပ်ရောင်းချ 
NUG အစိုးရ တီထွင်ထားတဲ့ VPN ကို စမ်းသပ်သုံးစွဲနေပြီလို့ပြော 
မိုးညှင်းမြို့၊ ကြည်နူးရိပ် KTV မှာ သောက်စားနေတဲ့ စစ်ကောင်စီ ရဲ၊ ပြည်သူ့စစ်နဲ့ စီးပွားရေးသမားတွေ ပစ်ခတ်ခံရပြီး ၉ ဦး သေဆုံး 
မိုးညှင်းမှာ SNA တွေက ဆိုင်ကယ်နဲ့ ဆီသယ်သူတွေကို ဖမ်းဆီးငွေညှစ်နေ 