ဖားကန်မြို့ ဆိုင်းတောင်ကျေးရွာရှိ စစ်ကောင်စီရဲစခန်းကုန်းမှ ပစ်ခတ်သည့် လက်နက်ကြီး ကျေးရွာနေအိမ်တွင်း ကျရောက်၍ မိသားစုဝင် ၃ ဦး ဒဏ်ရာရ

1 October 2023 – Kachinwaves

ဖားကန်မြို့၊ ဆိပ်မူ (ဆိုင်းတောင်) ကျေးရွာအလယ်တွင် အထိုင်ချထားသည့် စစ်ကောင်စီရဲစခန်းကုန်းမှ ယမန်နေ့ည ၁၂ နာရီဝန်းကျင်က လက်နက်ကြီးများဖြင့် ပစ်ခတ်သည့်အတွက် အရပ်သားထိခိုက်မှုများရှိ ကြောင်း သိရသည်။

စစ်ကောင်စီတပ်ဖွဲ့က အထိုင်ချထားသည့် ရဲစခန်းကုန်းအနီး၌ ယမန်နေ့ညဆယ်နာရီခွဲဝန်းကျင်တွင် ဗုံးလေး လုံးပေါက်ကွဲခဲ့ကြောင်း ဒေသခံအမျိုးသားတစ်ဦးက ပြောသည်။

“ဗုံးပေါက်ကွဲသံပဲ။ KPDF က လာပစ်တာနေမှာ” ဗုံးပေါက်ကွဲမှုဖြစ်ပွားပြီးနောက် စခန်းကုန်းမှ သေနတ်သံ များ ထွက်ပေါ်ခဲ့ပြီး လက်နက်ကြီး ရမ်းသမ်းပစ်ခတ်မှုများ လုပ်ဆောင်ခဲ့သည်။

စခန်းကုန်းမှပစ်ခတ်သည့် လက်နက်ကြီးမှာ ဆိပ်မူကျေးရွာရှိ အရပ်သားနေအိမ်တွင်း ကျရောက်ပေါက်ကွဲ ခဲ့သည့်အတွက် အိမ်ထဲရှိနေသည့် ဇနှီးမောင်နှံနှစ်ဦးနှင့် သားဖြစ်သူမှာ လက်နက်ကြီးစ ထိမှန်ဒဏ်ရာရ ခဲ့ကြောင်း သိရသည်။

ယခုလက်ရှိ လက်နက်ကြီးထိမှန်ဒဏ်ရာရသည့် မိသားစုမှာ ဖားကန့်ပြည်သူ့ဆေးရုံတွင် ဆေးကုသမှု ခံယူနေ ရကြောင်း သိရသည်။

လက်နက်ကြီးပစ်ခတ်ခဲ့သည့် အဆိုပါရဲစခန်းကုန်းသည် စက်တင်ဘာလ ၂၅ ရက်နေ့က KIA၊ KPDF တို့က သွား ရောက်တိုက်ခိုက်ခဲ့သည့် စခန်းကုန်းဖြစ်သည်။