ဖားကန့်တွင် ကွာရှင်းပြီးသော ဇနီးဟောင်းကို လင်ဟောင်းဖြစ်သူက ဓါးဖြင့်ထိုးသတ်မှုဖြစ်

29 August 2023 – Kachinwaves

ဖားကန့်မြို့ မှော်ဝမ်း ဆွတ်ငိုင်ယန်ရပ်ကွက်မှ အမျိုးသမီးတစ်ဦးကို တရားဝင် ကွာရှင်းပြီးဖြစ်သော လင်ဟောင်းဖြစ်သူက ယနေ့ ဩဂုတ်လ ၂၉ ရက်နေ့နံနက် ၈ နာရီခွဲခန့်အချိန်တွင် ဓားဖြင့်ထိုးသတ်မှု ဖြစ်ပွားခဲ့ကြောင်း ဖားကန့်ဒေသခံတစ်ဦးက ပြောသည်။

သတ်ဖြတ်ခံရသည့် ဒေါ်မိုးမိုးအောင်နှင့် ဦးထွန်းမင်းညီတို့သည် ယခုလ ၁၇ ရက်နေ့က တရားဝင်ကွာရှင်းပြီး သည့် လင်မယားများဖြစ်ကြောင်း သိရသည်။ သတ်ဖြတ်မှု မဖြစ်ပွားမီညများတွင်လည်း ဦးထွန်းမင်းညီ သည် ဇနီးဟောင်းဖြစ်သူကို နှောင့်ယှက်ခြိမ်းခြောက်မှုများ ပြုလုပ်ခဲ့ကြောင်း သိရသည်ဟု ဒေသခံက ပြောသည်။

အမှုနှင့် ပတ်သက်၍ စွပ်စွဲခံရသူ ဦးထွန်းမင်းညီသည် ထွက်ပြေးလွတ်မြောက်နေဆဲ ဖြစ်ကြောင်း သိရသည်။