ပူတာအိုမှာ တစ်လအတွင်း မှိုစားမှားပြီး အဆိပ်သင့် သေဆုံးသူ ၄ ဦးထိရှိလာ
14 April 2022-Kachinwaves
ကချင်ပြည်နယ် ပူတာအိုမြို့နယ်တွင် ဧပြီလ တစ်လအတွင်း မှိုစားမှားပြီး အဆိပ်သင့် သေဆုံးခဲ့သူလေးဦးရှိပြီ ဖြစ်ကြောင်း သိရသည်။
ပူတာအိုမြို့ဖန်ခိုင်ကျေးရွာမှ မိသားစုဝင်လေးဦး မှိုချက်စားရာမှ အဆိပ်သင့်ပြီး လူကြီးနှစ်ဦးသေဆုံးခဲ့ကြောင်း သိရသည်။
၎င်းမိသားစုဝင် လေးဦးသည် ဧပြီလ ၈ရက်နေ့တွင် မှိုချက်စားရာ အဆိပ်သင့်ကာ ၉ရက်နေ့တွင် ယောက္ခမဖြစ်သူသေဆုံးခဲ့ပြီး ၁၃ရက်နေ့တွင် သားမက်ဖြစ်သူ သေဆုံးခဲ့ကြောင်း သိရသည်။
ကလေးနှစ်ဦးသည် ဆေးရုံတွင် ဆေးကုသမှုခံယူပြီး သက်သာလာကြောင်း သိရသည်။
သေဆုံးသူနှစ်ဦးမှာ ဒေါ် မာတားညီဆီး အသက် (၅၇) နှစ်နှင့် ဦးဂျိုးဇက်နောဆီဒွေ့ အသက် (၃၇)တို့ ဖြစ်ကြောင်း သိရသည်။
ဧပြီလ ၇ရက်နေ့တွင်လည်း ပူတာအိုမြို့ ဆာရ်ခွမ်ဒမ်း (အလကခွဲ )ကျောင်း၌ တာဝန်ထမ်းဆောင်နေသည့် ဆရာမ ဒေါ်ခင်ဌေးကြွယ်တို့ မိသားစု သားအမိ သုံးဦး မှိုအဆိပ်သင့်ခဲ့ပြီး ကလေးနှစ်ဦး သေဆုံးခဲ့ကာ မိခင်ဖြစ်သူမှာ ဆေးကုသမှု ခံယူနေရသည်။
ပုလဲမြို့ တိုက်ပွဲပြင်းထန်နေပြီး စစ်ကောင်စီက လေကြောင်းနဲ့ အပြင်းအထန်ခုခံနေ၊ ပြည်သူတစ်သောင်းကျော် စစ်ရှောင်နေရ 
၁၀ နှစ်ကျော်ကြာပြီးမှ ပထမဆုံးအကြိမ် ပြန်လည်ကျင်းပနိုင်သည့် နားလုံကျေးရွာက ကထိန်အလှူတော်မင်္ဂလာ 
ကောလင်း စစ်ဘေးရှောင်တွေ လက်မှုပညာ သင်တန်းတက်ပြီး ပြန်လည်ထုတ်လုပ်ရောင်းချ 
NUG အစိုးရ တီထွင်ထားတဲ့ VPN ကို စမ်းသပ်သုံးစွဲနေပြီလို့ပြော 
မိုးညှင်းမြို့၊ ကြည်နူးရိပ် KTV မှာ သောက်စားနေတဲ့ စစ်ကောင်စီ ရဲ၊ ပြည်သူ့စစ်နဲ့ စီးပွားရေးသမားတွေ ပစ်ခတ်ခံရပြီး ၉ ဦး သေဆုံး 
မိုးညှင်းမှာ SNA တွေက ဆိုင်ကယ်နဲ့ ဆီသယ်သူတွေကို ဖမ်းဆီးငွေညှစ်နေ 