ကျွန်းလည်ရွာ ပျူေစာထီးစခန်းအား တော်လှန်ရေးတပ်ဖွဲ့များ တိုက်ခိုက်၍ ပျူစောထီး ၁၆ ဦးသေဆုံး
8 May 2024 – Kachinwaves
စစ်ကိုင်းတိုင်း၊ တန့်ဆည်မြို့နယ်၊ ကျွန်းလည်ရွာ ပျူေစာထီးစခန်းအား တော်လှန်ရေးပူးပေါင်းတပ်များက တိုက်ခိုက်သိမ်းပိုက်နိုင်ခဲ့ပြီး ပျူစောထီး ၁၆ ယောက်သေဆုံးကာ လက်နက်ခဲယမ်းများလည်း ရရှိခဲ့ေကြာင်း တန့်ဆည်ဒေသခံ တော်လှန်ရေးရဲဘော်တစ်ဦးထံမှ သိရသည်။
ကျွန်းလည်ရွာနှင့် ၄ ဖာလုံအကွာမှာရှိသည့် အင်အား ၃၀ ခန့်ရှိ ပျူစောထီးကင်းစခန်းအား မေလ ၆ ရက် နံနက် ၁ နာရီအချိန်မှာ စတင်တိုက်ခိုက်ခဲ့ပြီး နံနက် ၅ နာရီမှာ အပြီးသတ် သိမ်းနိုင်ခဲ့ကြောင်း တန့်ဆည်ဒေသခံ မြေပြင်ထောက်လှမ်းရေး ရဲဘော်တစ်ဦးမှ ပြောသည်။
“ကျွန်းလည်ရွာက ပျူရွာပေါ့ ဒါပေမဲ့ ကျွန်းလည်ရွာကို တိုက်တာမဟုတ်ဘူး။ အဲ့ရွာနဲ့ မိုင်ဝက်ဝေးတဲ့ ပျူစခန်းကိုတိုက်တာ ပျူစောထီးတစ်ချို့လည်း ထွက်ပြေးသွားတယ်။ သူတို့စခန်းတွေ ဗန်ကာတွေ မီးရှို့နိုင်ခဲ့တယ်။ သူတို့ဆိုင်ကယ်ဆယ်စီးကိုလည်း မယူခဲ့ဘူး။ မီးရှို့ဖျက်ဆီးခဲ့တယ်။”ဟု ဆိုသည်။
အဆိုပါပျူေစာထီး စခန်းသိမ်းတိုက်ပွဲတွင် ပျူစောထီး ၁၆ ဦးသေဆုံးကာ လက်နက်များရရှိခဲ့ကြောင်းလည်း ပြောသည်။
၎င်းတိုက်ပွဲမှာပဲ ပကဖရဲဘော် တစ်ဦးကျဆုံးကာ ၃ ဦး ဒဏ်ရာရရှိခဲ့ေကြာင်းလည်းပြောသည်။
တိုက်ပွဲအား တန့်ဆည် ပကဖနှင့် ရွှေဘိုခရိုင်အမှတ် (၂၅) တပ်ရင်းတို့မှ ပူးပေါင်းတိုက်ခိုက်ခဲ့ကြောင်း သိရသည်။
လူ ၂၀ ဝန်းကျင်ပျောက်ဆုံးခဲ့သည့် ကျောက်စိမ်းလုပ်ကွက်မြေစာပုံတွင် ကျောက်ရှာသူများ ပြန်လည်စည်ကားနေ 
အင်းတော်မြို့နယ်က တောင်သူတွေ စပါးဈေးကျလို့ အရှုံးပေါ် 
လေးလကျော်လာတဲ့ အင်းတော်ကြီးဒေသက စစ်ရှောင်များအတွက် အကူအညီလိုအပ်နေ 
အင်းတော်ကြီး နမ့်မွန်းကျေးရွာမှာ ပြည်သူ့နေအိမ်တွေကို SNA ရှမ်းနီတပ် မီးရှို့ခဲ့ 
တန့်ဆည်မှာ စစ်ကောင်စီတပ်နဲ့ ပျူစောထီးတွေက ကျေးရွာတွေကို ဒရုန်းနဲ့ ဗုံးလိုက်ကြဲနေ 
ဘုတလင်မြို့နယ် သဖန်းရွာကို စစ်ကောင်စီတပ်က မီးရှို့ဖျက်ဆီးပြီး ပြည်သူတစ်ဦးကိုလည်း ပစ်သတ်ခဲ့ 
စစ်ကိုင်းစစ်ရေး အရေးကြီးပြီ 