ဗျူဟာကျသည့် ထီးချိုင့်မြို့ကို ရအောင်တိုက်ယူမည်

13 November 2023 – Kachinwaves

စစ်ကိုင်းတိုင်း ထီးချိုင့်မြို့တွင် မြို့သိမ်းတိုက်ပွဲ ဆင်နွှဲနေချိန် စစ်ကောင်စီတပ်က စစ်ရေးပစ်မှတ်မဟုတ်သည့် နေရာများသို့လည်း ပစ်ခတ်သောကြောင့် မြို့နယ်တွင်းရှိ ပြည်သူများအနေဖြင့် လေယာဉ်သံကြားလျှင် သတိပြု၍ ရှောင်တိမ်းနေထိုင်ကြရန် ထီးချိုင့်တော်လှန်ရေးတပ်ဖွဲ့ (Tigyaing Revolution) က ထုတ်ပြန်ထားသည်။

ထီးချိုင့်မြို့သည် နှစ်ဖက်စလုံးအတွက် ဗျူဟာကျသည့် မြို့ဖြစ်သောကြောင့် လွယ်လွယ်နှင့် မသိမ်းနိုင်သေးခြင်းဖြစ်ကြောင်းလည်း ထုတ်ပြန်ထားပြီး၊ မကြာမီသတင်းကောင်းကြားရမည်ဟု ဆိုထားသည်။

“တခြားမြို့နဲ့ မတူတဲ့အချက်က ‌မြို့ထဲမှာ တောင်ကုန်းတွေပေါပါတယ်။ မြို့ကဗျူဟာကျတဲ့ နေရာမှာရှိနေပါတယ်။ နှစ်ဖက်လုံးအတွက် အရေးကြီးဆုံး နေရာဖြစ်နေတော့ လွယ်လွယ် မကျသေးတာပါ။”

မြို့ကို မရမချင်း ကြိုးစားကြမည်ဟုလည်း ဆိုထားသည်။