ဆန်ခါကျေးရွာရှိ ကျောက်စိမ်းလုပ်ကွက်ဟောင်း မြေပြိုမှုထပ်ဖြစ်ပြီး လူအသေအပျောက်ရှိ

20 October 2023 – Kachinwaves

ဖားကန့်မြို့နယ်၊ လုံးခင်းကျေးရွာအုပ်စု၊ ဆန်ခါကျေးရွာရှိ ကျောက်စိမ်းလုပ်ကွက်ဟောင်းတွင် ယနေ့မွန်းလွဲ ၂ နာရီဝန်းကျင်က မြေပြိုကျမှုဖြစ်ပွားခဲ့ပြီး ဒဏ်ရာရှိသူနှင့် ပျောက်ဆုံးနေသူများရှိကြောင်း သိရှိရသည်။

တောက်ပကြယ်ကုမ္ပဏီ ကျောက်စိမ်းလုပ်ကွက်ဟောင်းတွင် မြေထပ်မံပြိုကျခဲ့ရာ ကျင်းကမ်းပါးတွင် ရေမ ဆေး ကျောက်ရှာဖွေသူများအနက် သေဆုံးသူ၊ ပျောက်ဆုံးသူ ရှိနိုင်ကြောင်း ကယ်ဆယ်ရေးလုပ်ဆောင် နေသည့် အမျိုးသားတစ်ဦးက ပြောသည်။

“လူအသေအပျောက်ရှိနိုင်ပါတယ်။ လောလောဆယ်ကတော့ ရှာဖွေကယ်ဆယ်ရေးတွေ လုပ်နေဆဲဖြစ်ပါ တယ်။ တနေ့ (အောက်တိုဘာ ၁၈ ရက်နေ့) က ပြိုကျတဲ့နေရာမှာပဲ ပြိုကျခဲ့တာပါ”

ဒဏ်ရာရရှိသည့် အမျိုးသားသုံးဦးကို ဆေးခန်းသို့ ပို့ဆောင်ထားကြောင်း သိရှိရပြီး ပျောက်ဆုံးနေသည့် ရေမဆေးကျောက်တူးသမားများကို ဒေသတွင်းပရဟိတအသင်းများက ဆက်လက်ရှာဖွေနေဆဲဖြစ်ကြောင်း သိရှိရသည်။

အောက်တိုဘာ ၁၈ ရက်နေ့ညကလည်း အဆိုပါကျင်းတွင် မြေစာပြိုကျခဲ့၍ အမျိုးသားတစ်ဦးသေဆုံးခဲ့ပြီး အမျိုးသားနှစ်ဦးမှာ ဒဏ်ရာရရှိခဲ့ကြောင်း သိရှိရသည်။