နဘားကျေးရွာလမ်းဆုံ (နမ့်မကျိုင်းလမ်းဆုံ)တွင် KIA၊ KPDF ပူးပေါင်းတပ်ဖွဲ့တို့နှင့် စစ်ကောင်စီစစ်ကြောင်း တိုက်ပွဲဖြစ်
11 October 2023 – Kachinwaves
စစ်ကိုင်းတိုင်း၊ အင်းတော်မြို့နယ်၊ နန့်မကျိုင်းလမ်းဆုံတွင် စစ်ကောင်စီတပ်နှင့် KIA၊ KPDF ပူးပေါင်းတပ်ဖွဲ့တို့ ယမန်နေ့ညနေ ၂ နာရီဝန်းကျင်က တိုက်ပွဲဖြစ်ပွားခဲ့ရာ နှစ်ဖက်ထိခိုက်သေဆုံးမှုရှိကြောင်း သိရသည်။
နဘားကျေးရွာမှ ထွက်ခွာလာသည့် စစ်ကောင်စီစစ်ကြောင်းနှင့် KIA ပူးပေါင်းတပ်ဖွဲ့တို့ နဘားကျေးရွာလမ်းဆုံ (နမ့်မကျိုင်းလမ်းဆုံ) တွင် တိုက်ပွဲဖြစ်ပွားခဲ့ကြောင်း နဘားကျေးရွာဒေသခံ အမျိုးသားတစ်ဦးက ပြောသည်။
“နဘားထဲနေတဲ့စစ်ကြောင်းက နဘားထိပ်၊ နန့်မကြိုင်းလမ်းခွဲကို တက်လာတာ။ အဲ့မှာထိတွေ့မှုဖြစ်ကြတာ”
တိုက်ပွဲ အတွင်း စစ်ကောင်စီဘက်မှ အရာရှိအဆင့်ရှိသူနှစ်ဦး ထိခိုက်ဒဏ်ရာရပြီး KIA တပ်ဖွဲ့ဝင်တစ်ဦး ကျဆုံးကြောင်း သိရသည်။
စစ်ကောင်စီဘက်မှ ထိခိုက်မှုအခြေအနေကို Kachinwaves အနေဖြင့် သီးခြားအတည်မပြုနိုင်သေးပါ။
အောက်တိုဘာ ၄ ရက်နေ့ကလည်း သောင်ကြီးကျေးရွာတွင် စစ်ကောင်စီတပ်နှင့် မြန်မာနိုင်ငံလုံးဆိုင်ရာ ကျောင်းသားများ ဒီမိုကရက်တစ်တပ်ဦး (ABSDF) တို့ တိုက်ပွဲဖြစ်ပွားခဲ့ပြီး စစ်ကောင်စီတပ်ဖွဲ့ဝင် ၅ ဦးသေဆုံးကြောင်း သိရသည်။
===
ပုလဲမြို့ တိုက်ပွဲပြင်းထန်နေပြီး စစ်ကောင်စီက လေကြောင်းနဲ့ အပြင်းအထန်ခုခံနေ၊ ပြည်သူတစ်သောင်းကျော် စစ်ရှောင်နေရ 
၁၀ နှစ်ကျော်ကြာပြီးမှ ပထမဆုံးအကြိမ် ပြန်လည်ကျင်းပနိုင်သည့် နားလုံကျေးရွာက ကထိန်အလှူတော်မင်္ဂလာ 
ကောလင်း စစ်ဘေးရှောင်တွေ လက်မှုပညာ သင်တန်းတက်ပြီး ပြန်လည်ထုတ်လုပ်ရောင်းချ 
NUG အစိုးရ တီထွင်ထားတဲ့ VPN ကို စမ်းသပ်သုံးစွဲနေပြီလို့ပြော 
မိုးညှင်းမြို့၊ ကြည်နူးရိပ် KTV မှာ သောက်စားနေတဲ့ စစ်ကောင်စီ ရဲ၊ ပြည်သူ့စစ်နဲ့ စီးပွားရေးသမားတွေ ပစ်ခတ်ခံရပြီး ၉ ဦး သေဆုံး 
မိုးညှင်းမှာ SNA တွေက ဆိုင်ကယ်နဲ့ ဆီသယ်သူတွေကို ဖမ်းဆီးငွေညှစ်နေ 