ဘီးလင်းမြို့နယ် လေးကေ ကျေးရွာကို စစ်ကောင်စီ လေကြောင်းသုံးတိုက်ခိုက် ပြည်သူ့နေအိမ်များ ပျက်စီး
2 May 2022-Kachinwaves
ကေအဲန်ယူ-သထုံခရိုင်၊ ဘီးလင်းမြို့နယ်၊ လေးကေကျေးရွာကို စစ်ကောင်စီမှ မေလ ၁ရက်နေ့တွင် လေယာဥ်ဖြင့် (၂) ကြိမ်လာရောက်ပစ်ခတ်ခဲ့မှုကြောင့် လူနေအိမ် (၁၀) လုံးနှင့် သီလရှင်ကျောင်း (၁) ဆောင် မီးလောင်ပျက်စီးခဲ့ကြောင်း ကေအဲန်ယူ ဘီးလင်းမြို့နယ် သတင်းနှင့်ပြန်ကြားရေးဌာနမှ သတင်းထုတ်ပြန်ထားသည်။
စစ်ကောင်စီတပ်သည် လေယာဉ် နှစ်စင်းဖြင့် ကျေးရွာအတွင်းသို့ နံနက် ၁၁နာရီခွဲခန့်တွင် တစ်ကြိမ်၊ မွန်းလွဲ တစ်နာရီခန့်တွင် တစ်ကြိမ် လာရောက်ပစ်ခတ်ခဲ့ပြီး ရွာသားများနှင့် KNU တပ်ဖွဲ့ဝင်များ ထိခိုက်ကျဆုံးမှု မရှိကြောင်း ထုတ်ပြန်ချက်တွင် ရေးသားထားသည်။
ထို့အပြင် နေ့လည် (၁၂)နာရီခွဲ ဝန်းကျင်တွင်လည်း ကမမောင်းမြို့၊ ကိုးနဝင်ဘုန်းကြီးကျောင်းဘေး၌ တပ်စခန်းချနေသည့် စစ်ကောင်စီတပ်မှ လက်နက်ကြီး (၁၂၀ မမ)များဖြင့် ပစ်ခတ်ခဲ့သည့်အတွက် လေးကေကျေးရွာရှိ ရာဘာခြံ၊ သီဟိုခြံ၊ ငှက်ပျောခြံ များ မီးလောင်ပျက်စီးခဲ့ပြီး တဲအိမ်တစ်လုံးနှင့် ရာဘာကြိတ်စက်တစ်လုံး လက်နက်ကြီးထိမှန်ပျက်စီးခဲ့ကြောင်း ဖော်ပြထားသည်။
လေးကေနှင့် ဝင်းတာပန်ရှိ စစ်ကောင်စီ-BGF ပူးပေါင်းတပ်စခန်း (၂)ခုကို ဧပြီလ (၂၃)ရက်နေ့ နောက်ဆုံးထား၍ ထွက်ခွာပေးရန် KNDO တပ်ရင်း (၂) ဌာနချုပ်မှ ကြေငြာချက်ထုက်ပြန်ထားသော်လည်း စစ်ကောင်စီတပ်များမှ လိုက်နာလုပ်ဆောင်ခြင်းမရှိသည့်အတွက် စစ်ရေးတင်းမာမှုများရှိလာခဲ့ကာ မေလ (၁) ရက်နေ့တွင် စစ်ကောင်စီမှ ကေအဲန်ယူ-သထုံခရိုင်အတွင်း ပထမအကြိမ် လေယာဥ်အသုံးပြုကာ စတင်ပစ်ခတ်တိုက်ခိုက်လာခြင်းဖြစ်ကြောင်း ရေးသားထားသည်။
ဝက်လက်မြို့နယ်တွင် စစ်ရှောင်ပြည်သူများ ရှိသည့်ဘက်သို့ စစ်ကောင်စီတပ်က ဒရုန်းဖြင့်ဗုံးချတိုက်ခိုက်ခဲ့၍ ထိခိုက်မှုများရှိ 
ထီးချိုင့်က ကျေးရွာဆေးခန်းတစ်ခုကို စစ်ကောင်စီက လေကြောင်းတိုက်ခိုက်မှုပြုလုပ်ခဲ့၍ ၇ ဦးဒဏ်ရာရ 
မိုးမောက်မြို့မှာ စစ်ဘေးရှောင်တွေခိုလှုံနေတဲ့ ဘုန်းကြီးကျောင်းပေါ် လက်နက်ကြီးနှစ်လုံး ကျကွဲခဲ့၊ လူထိခိုက်မှုတော့မရှိ 
လက်နက်ကြီးကြောင့် အမျိုးသမီးတစ်ဦးသေဆုံး၊ ပြည်သူနှစ်ဦးကို သတ်ဖြတ်ပြီး မူးမြစ်ထဲပစ်ချခဲ့ 
မိုးမောက်တိုက်ပွဲဖြစ်ပွားခဲ့၍ အရပ်သား ၃ ဦး သေဆုံးခဲ့ပြီး ၃ ဦးထက်မနည်း ထိခိုက်ဒဏ်ရာရ 
ဆင်ဘိုမြို့စောင့် စခန်းကုန်းကြီးကို ပိတ်ဆို့ထားတာ နှစ်လကျော်လာပေမဲ့ စခန်းသိမ်းနိုင်ခြင်း မရှိသေး