အမျိုးသမီးကို အဓ္ဓမပြုကျင့်ရန် ကြံစီခဲ့သည့် စစ်သားဖမ်းဆီးခံထားရချိန် အစောင့်တပ်သား ၃ ဦးကို ပစ်သတ်ပြီး ထွက်​​ပြေး

ရှမ်းပြည်နယ်မြောက်ပိုင်း ကွတ်ခိုင်မြို့နယ်၊ ဟူး​နောင်ကျေးရွာမှ အသက် ၅၀နှစ်အရွယ် အမျိုးသမီးတစ်ဦးကို အဓ္ဓမပြုကျင့်ရန်ကြံစီခဲ့သည့် စစ်ကောင်စီစစ်သား ဘွတ်တင့်ခိုင်ည် သဖမ်းဆီးထိန်းသိမ်း​ခံထားရာမှ အစောင့်စစ်သားသုံးဦးကို ပစ်သတ်ပြီး လက်နက်နှင့်အတူ ထွက်ပြေးသွားကြောင်း ​ဒေသခံတစ်ဦးက ဆိုသည်။

“အဲစစ်သားကို မနက်ပိုင်းက ချည်ထားတာတဲ့ ည​နေပိုင်းက ကြိုးပြန်ဖြည်ပေးလိုက်ပြီး စစ်သား ၄ ယောက်​စောင့်ထားတဲ့အဲချိန် ​သေနတ်လုပြီး ပစ်သတ်သွားတာတဲ့၊ (အစောင့်) ၃​ယောက်​က ​သေသွားပြီတဲ့”ဟု ​ဒေသခံတစ်ဦးက ဆိုသည်။

၎င်းစစ်ကောင်စီစစ်သား ဘွတ်တင့်ခိုင်သည် ယနေ့နံနက် အမျိုးသမီးတစ်ဦးကို အတင်းအဓ္ဓမပြုကျင့်ရန် ကြံစီခဲ့သည့်အတွက် စစ်ကောင်စီတပ်မှ ဖမ်းဆီးချုပ်နှောင်ထားသည့် စစ်သားဖြစ်သည်။

အမျိုးသမီးသည် အတင်းအဓ္ဓမပြုကျင့်ရန် ကြံစီသည့်စစ်သားက ရိုက်နှိက်ထားခဲ့သော ဒဏ်ရာကြောင့် ဆေးကုသမှုခံယူနေရကြောင်း သိရသည်။

ဟူးနောင်ကျေးရွာသည် စစ်ကောင်စီ ခမရ ၃၃၆ တပ်ရင်း တပ်စွဲနေသည့် ကျေးရွာ ဖြစ်သည်။