နမ်ကျင်းကျေးရွာမှ ၁၀မိုင်ခန့်အကွာတွင် ဦးခေါင်းမပါသေဆုံးနေသည့် အမျိုးသမီးအလောင်းတွေ့
မြစ်ကြီးနားမြို့နယ် နမ်ကျင်းကျေးရွာအထက်၊ တိုင်ယူးယန် လမ်းဘေးတွင် ဦးခေါင်းမပါသေဆုံးနေသည့် အမျိုးသမီးတစ်ဦး၏ အလောင်းတွေ့ရှိထားပြီး နမ်ကျင်းကျေးရွာတာဝန်ရှိသူများကို အကြောင်းကြားထားသည်ဟု အလောင်းကိုသွားကြည့်ခဲ့သူ ဦးနော်နော်က ဆိုသည်။
“အဲဘက်ကို မီးသွေးဖုတ်တဲ့သူတွေရှိတယ်။ သူတို့လာပြောပြလို့ မနေ့ကသွားကြည့်တော့ ခေါင်းကမပါတော့ဘူး။ သတ်ခံထားရတာလည်း တော်တော်ကြာပြီးထင်တယ်။ အဝတ်က လက်နားမှာတွေ့တယ်။ အမဲရောင်အင်္ကျီမှာ အဖြူကွက်ပါတယ်။”ဟု ဦးနော်နော်က ဆိုသည်။
၎င်းအမျိုးသမီးအလောင်းမှ ပေ(၅၀)ခန့်အကွာတွင် CANDA 125 ဆိုင်ကယ်အစိမ်းရောင် တစ်စီးလည်း ရှိနေကြောင်းဆိုသည်။ ပလန အမှတ် ၃ရဲစခန်း စခန်းမှူးရဲအုပ် ဦးသန်းဝင်းက သတင်းကြားရသော်လည်း သတင်းမှန်မမှန် မသိရှိသေးကြောင်း စုံစမ်းနေဆဲဖြစ်ကြောင်းဆိုသည်။
နမ်ကျင်းကျေးရွာအုပ်ချုပ်ရေးမှူးကလည်း သတင်းကြားသော်လည်း အခင်းဖြစ်သည့်နေရာသည် နမ်ကျင်းကျေးရွာနှင့် ၁၀မိုင်ခန့်ဝေးသောကြောင့် နေရာအတိအကျ မသိရှိသေးသဖြင့် သတင်းအတိအကျ မသိရှိသေးကြောင်းဆိုသည်။
ဘာသတင်းလဲ
ဖတ်မဂ