ပူတာအိုမှာ ပထမဆုံး Covid-19 အတည်ပြုလူနာသစ်တွေ့
ကချင်ပြည်နယ် ပြည်နယ်ကျန်းမာရေးဦးစီဌာနရဲ့ ထုတ်ပြန်ချက်အရ ယနေ့ ကချင်ပြည်နယ်မှ ကိုဗစ်ပိုးတွေ့လူနာ ၁၂ ဦးရှိပြီး ပူတာအိုက တစ်ဦးပါဝင်သည်။
“Positive တွေ့တာတော့ ဟုတ်တယ် Positive တစ်ယောက်တွေ့တာ ရန်ကုန်ပြန် ကွာရန်တင်းစင်တာထဲမှာ ထားရင်းကနေပြီးတော့ အဲ့မှာ swab ယူပြီးတော့ positive ထွက်တာနော် အခြေအနေကကောင်းပါတယ်။ ဖျားတာနာတာတောင်မရှိဘူး သူက။ ကောင်းတယ် ကျန်းကျန်းမာမာပဲအခုလောလောဆယ်”ဟု ပူတာအိုခရိုင် ကျန်းမာရေးဌာနမှ တာဝန်ရှိသူတစ်ဦးကပြောသည်။ပိုးတွေ့လူနာသည် အသက်(၂၆)နှစ်ရှိပြီး ပူတာအိုမြို့ ကောင်ကထောင်ရပ်ကွက်တွင် နေထိုင်သူဖြစ်သည်။ ရန်ကုန်မှ ပြန်လာသူဖြစ်ပြီး အမျိုးသမီးအိမ်တွင်းမှုသက်မွေးလုပ်ငန်းပညာသင်တန်းကျောင်းတွင် ကွာရန်တင်းဝင်နေသူတစ်ဦးဖြစ်သည်။
ကချင်ပြည်နယ်အတွင်း လက်ရှိ ကိုဗစ်ရောဂါကုသမှုခံယူနေသူ ၁၅၁ ဦးရှိပြီး အတည်ပြုလူနာ ၃၈၁ ဦးရှိသည်။
