ပိုးတွေ့ခဲ့သည့် KBZ ဘဏ် (၁) ဝန်ထမ်း customer များနှင့် ထိတွေ့မှုမရှိဟုဆို

ပိုးတွေ့လူနာနှင့်အတူထိတွေ့ခဲ့ပြီး အသွားအလာကန့်သတ်ထားသည့် KBZ ဘဏ် (၁) ဝန်ထမ်း (၉)ဦး၏ ပထမအကြိမ် ဆေးစစ်ချက်လည်း ပိုးမတွေ့ရှိ အဖြေထွက်ကြောင်း ထုတ်ပြန်ခဲ့သည်။

မြစ်ကြီးနားမြို့ရှိ ပုဂ္ဂလိက ဘဏ်ဝန်ထမ်း၌ COVID-19 ပိုးတွေ့ရှိမှုနှင့် ပတ်သက်၍ ထိတွေ့သူများ ရှာဖွေဖော်ထုတ်မှုအခြေအနေ

• (၁၈-၁၀-၂၀၂၀) ရက်နေ့တွင် မြစ်ကြီးနားမြို့ရှိ KBZ ဘဏ် (၁)တွင် တာဝန်ထမ်းဆောင်နေသည့် အမျိုးသမီးဝန်ထမ်းတစ်ဦး၌ ပိုးတွေ့ရှိ (တွေ့ရှိ) ခဲ့ကြောင်းဖော်ပြခဲ့ပြီးဖြစ်ပါသည်။

• အဆိုပါလူနာ၏ အမျိုးသားဖြစ်သူသည် မြစ်ကြီးနား၊ ကားကြီးဝင်း၌ အလုပ်လုပ်ကိုင်သူဖြစ်ပြီး ပိုးတွေ့သူ ယာဉ်မောင်းတစ်ဦးနှင့် ထိတွေ့မှုရာဇဝင်ရှိခဲ့ပါသည်။

• အဆိုပါလူနာသည် (၁၇-၁၀-၂၀၂၀) ရက်နေ့မှစတင်၍ အနံ့ပျောက်သဖြင့် (၁၈-၁၀-၂၀၂၀) ရက်နေ့၌ COVID-19 RDT ဖြင့် စစ်ဆေးခဲ့ရာမှ တွေ့ရှိခဲ့ခြင်းဖြစ်ပါသည်။

• အဆိုပါလူနာသည် မြစ်ကြီးနား KBZ ဘဏ် (၁)တွင် ဌာနတွင်းဆိုင်ရာ ရုံးလုပ်ငန်းများ ထမ်းဆောင်ရသူဖြစ်ပြီး ဝန်ဆောင်မှုလာရောက်ယူသည့် Customer များနှင့် ထိတွေ့မှု မရှိဘဲ ၎င်းနှင့်အတူတူ တာဝန်ထမ်းဆောင်နေသည့် ထိတွေ့သူဝန်ထမ်း (၉)ဦးသာရှိပြီး ၎င်းတို့ကို အသွားအလာကန့်သတ်ထားရှိ၍ COVID-19 RDT ဖြင့် စစ်ဆေးခဲ့ရာ ပထမအကြိမ် စစ်ဆေးမှုအဖြေအရ ပိုးမတွေ့ရှိ (မတွေ့ရှိ) ဖြစ်ကြောင်း သတင်းကောင်းပါးအပ်ပါသည်။

• ကချင်ပြည်နယ်အတွင်းရှိ ပြည်သူများအနေဖြင့် ကျန်းမာရေးနှင့် အားကစားဝန်ကြီးဌာနမှ ထုတ်ပြန်ချက်များအတိုင်း အထူးဂရုပြုနေထိုင်ရန်နှင့် လိုအပ်သလို ပူးပေါင်းပါဝင်ခြင်းဖြင့် COVID-19 ရောဂါကူးစက်ပြန့်ပွားမှုမှ ကာကွယ်တားဆီးရာတွင် တတပ်တအားပါဝင်ကြရန် လေးစားစွာဖြင့် နှိုးဆော်တိုက်တွန်းအပ်ပါသည်။