မလိခမြစ်တွင် ပုပ်ပွနေသည့် အလောင်းတစ်လောင်း မျောလာ

12 August 2023 – Kachinwaves

ကချင်ပြည်နယ် ဆွမ်ပရာဘွမ်မြို့နယ် အင်ထန်ဇွပ် (Nhtan Zup) ရွာနှင့် လခရာဇွပ် (Lahkra Zup) ရွာကြား မလိခမြစ်တွင် ပုပ်ပွနေသည့် ပိုင်ရှင်မဲ့အလောင်းတစ်လောင်း မျောပါလာသည်ကို ယမန်နေ့ ဩဂုတ်လ ၁၁ ရက်နေ့ မွန်းလွဲ ၂ နာရီခန့်အချိန်၌ ဒေသခံများတွေ့ရှိခဲ့ကြောင်း သိရသည်။

၎င်းအလောင်းကို ဒေသခံများဆယ်ယူကာ မီးရှို့သင်္ဂြိုလ်လိုက်ပြီဖြစ်ကြောင်း ဒေသခံနှင့် နီးစပ်သည့် သတင်းရင်းမြစ်ထံမှ သိရသည်။

ပူတာအိုမြို့နယ်ဘက်ရှိ မလိခမြစ်တစ်လျှောက် တူးဖော်နေသော ရွှေမှော်များတွင် မူးယစ်ဆေးဝါးသုံးစွဲသုံး များနေသည့်အတွက် ယခုမျောပါလာသည့် အလောင်းသည် ၎င်းမူးယစ်ဆေးဝါးသုံးစွဲသူများထဲမှလည်း ဖြစ် နိုင်သည်ဟု ယင်းရွှေမှော်များသို့ သွားရောက်ခဲ့ဖူးသူ တစ်ဦးက ပြောသည်။