ပူတာအိုမှ ကားသုံးစီးဖြင့် ရိက္ခာပို့ပြီးပြန်လာသည့် စစ်ကောင်စီပြည်သူ့စစ်စစ်ကြောင်း တိုက်ခိုက်ခံရ

28 May 2022 – Kachinwaves

ကချင်ပြည်နယ် ပူတာအိုမြို့နယ် တန်ဂျာကျေးရွာအနီး အင်ဒေါင်ဘွမ်တွင် ကားသုံးစီးဖြင့် ရိက္ခာပို့ပြီးပြန်လာသည့် စစ်ကောင်စီလက်အောက်ခံပြည်သူ့စစ်စစ်ကြောင်းကို ကေအိုင်အေနှင့် PDF ပူးပေါင်းတပ်တို့က ယနေ့မွန်းလွဲ ၃နာရီခွဲခန့်၌ ကြားဖြတ်တိုက်ခိုက်ခဲ့ပြီး စစ်ကောင်စီပြည်သူ့စစ် သုံးဦးသေဆုံးကြောင်း ဒေသခံတစ်ဦးက ပြောသည်။

၎င်းစစ်ကြောင်းသည် စစ်အင်အား ၁၀၀ ခန့်ဖြင့် ပူတာအိုမြို့မှဆင်းလာသည့် စစ်ကောင်စီစစ်ကြောင်း ဖြစ်သည်ဟု သိရသည်။

မေလ ၂၄ရက်နေ့တွင်လည်း ပူတာအိုမြို့သို့ တက်လာသည့် စစ်ကောင်စီယာဉ်တန်းကို တန်ဂျာကျေးရွာနှင့် အင်ဒေါင်ဘွမ်ကြားတွင် ကေအိုင်အေက ကြားဖြတ်တိုက်ခိုက်ခဲ့သည်။