ပရဒတ် ကျေးရွာတွင် NLD ပါတီဝင် ၁ ဦး သတ်ဖြတ်ခံရ
27 January 2022-Kachinwaves
တနင်္သာရီတိုင်း၊ ထားဝယ်ခရိုင်၊ ရေဖြူမြို့နယ် နဘုလယ်ဒေသ၊ ပရဒတ်ကျေးရွာတွင် ဇန်နဝါရီ ၂၇ ရက်နေ့နံနက် ၈ နာရီဝန်းကျင်ခန့်အချိန်၌ NLD ပါတီဝင်တစ်ဦးဖြစ်သူ ဦးကျော်ဝင်း(ခ)ဦးဖပလက် သတ်ဖြတ်ခံရကြောင်း ဒေသခံများက ဆိုသည်။
ဦးကျော်ဝင်း(ခ) ဦးဖပလက် သည် ၎င်း၏ဥယျာဉ်ခြံတွင် သစ်ပင်များရေလောင်းနေစဉ် ပျူစောထီးအဖွဲ့မှ ဖမ်းဆီးခေါ်ဆောင်သွားကာ အနီးအနားရှိတောတွင်း တနေရာ၌ ပစ်သတ်သွားသည်ဟု ဒေသခံများကဆိုပါသည်။
ဦးကျော်ဝင်း (ခ)ဦးဖပလက် သည် ရွာထဲတွင်အနေအေးဆေးသူဖြစ်ပြီး NLD ပါတီဝင်တစ်ဦးလည်းဖြစ်ကြောင်း ဒေသခံများကဆိုပါသည်။
ဇန်နဝါရီ တစ်ရက်နေ့တွင်လည်း ၎င်းဥယျာဉ်တွင်ရှိသော ဆိုင်ကယ်တစီးနှင့် ဖုန်းတစ်လုံးကို ပျူစောထီးအဖွဲ့မှ သိမ်းယူသွားခဲ့ကြောင်းဆိုပါသည်။
ဦးကျော်ဝင်းတွင် မိသားစုဝင် (၅) ဦးရှိပီး အငယ်ဆုံးသားမှာ လသားအရွယ်၊ ၁၃ နှစ်အရွယ် သမီး၊ ၉ နှစ်အရွယ်သားနှင့် ဇနီးတို့ ကျန်ရစ်ခဲ့ပါသည်။
ဦးကျော်ဝင်းသည် ဥယျာဉ်ခြံစိုက်ပြီး အသက်မွေးဝမ်းကြောင်းပြုသူဖြစ်ကာ ခါးနာသည့် ဝေဒနာခံစားနေရသူဖြစ်ကြောင်းဒေသခံများက ဆိုသည်။
ဇန်နဝါရီ ၂၇ ရက်နေ့လယ်ပိုင်းတွင် အလောင်းအား ရေဖြူဆေးရုံသို့သယ်ဆောင်သွားကြောင်း ဒေသခံများထံမှသိရပါသည်။
လမ်းကြောပိတ်ဆို့မှုများအနှင့်အတူ ကချင်တွင် စက်သုံးဆီဈေးနှုန်း ထိုးတက်မှုအပြင် ဝယ်ယူရန်ခက်ခဲလာ 
ကံပိုင်တည်မြို့ သိမ်းခံရပြီးနောက် စစ်ကောင်စီက မြစ်ကြီးနား – ဝိုင်းမော်မြို့ ဧရာဝတီမြစ်ကူးတံတားကို ပိတ်ပစ် 
ဗန်းမောက်မြို့မှာ SNA တပ်ဖွဲ့တွေ အင်အားဖြည့်လာလို့ ပြည်သူတွေ ထွက်ပြေးနေရ 
ကချင်က နောက်ဆုံးလက်ကျန် တရားဝင်နယ်စပ်မြို့ ကံပိုင်တည်ကို KIA သိမ်းပြီ 
ကချင်ပြည်နဲ့ စစ်ကိုင်းတိုင်းအစပ်က စခန်းသိမ်းတိုက်ပွဲတွေမှာ KIA နဲ့ KPDF တပ်ဖွဲ့ဝင် ၇ ဦး ကျဆုံးခဲ့ 
ကံပိုင်တည်မြို့မှာအောင်းနေတဲ့ လက်ကျန် စစ်ကောင်စီ စစ်သားနဲ့ရဲတွေကို KIA နဲ့ ပူးပေါင်းတပ်တို့ တိုက်ခိုက်ရှင်းလင်းနေ 
အပြုံးကိုမြင်ရရင် ဝေဖန်ကဲ့ရဲ့မှုတွေကို မေ့ပျောက်သွားတယ်ဆိုတဲ့ ပရဟိတသမား ကိုဆဏ်းမောင် 
တရုတ်ဘက်ကို တောင်းတောင်းပန်ပန်နဲ့ ရောင်းနေရတဲ့ နယ်စပ်ဒေသက ရှားကောစိုက်ပျိုးတောင်သူများ 