စစ်ကောင်စီတပ်၏ လေကြောင်းတိုက်ခိုက်မှုကြောင့် လျှပ်စစ်ပို့လွှတ်သည့်ကြိုး ပျက်စီးသွား၍ မြစ်ကြီးနားမြို့တွင် မီးပုံမှန်‌လာတော့မည် မဟုတ်

4 August 2023 – Kachinwaves

ကချင်ပြည်နယ် မြစ်ကြီးနားမြို့ကို လျှပ်စစ်ဓါတ်အား ပို့လွှတ်‌နေသည့် ဓါတ်အားလိုင်း ဖြစ်သည့် ဝိုင်း​မော်မြို့နယ် မလိလျှပ်စစ်ရုံသည် ယ​နေ့ စစ်​ကောင်စီတပ် လေယာဉ်ဖြင့် တိုက်ခိုက်ရာတွင် ထိခိုက်ပျက်စီးသွား‌ကြောင်း သိရသည်။

၎င်းလျှပ်စစ်ရုံထိခိုက်ပျက်စီးသွားသည့်အတွက် လျှပ်စစ်မီးပုံမှန် မလာတော့ကြောင်း ဒေသခံများက ဆိုသည်။

KIO သတင်းနှင့်ပြန်ကြား​ရေး တာဝန်ခံဗိုလ်မှူးကြီး​နော်ဘူကလည်း ယ​နေ့ စစ်​ကောင်စီက ​လေယာဥ်ဖြင့် လာပစ်ချိန် မီးကြိုးများပျက်စီးသွားပြီး ပြန်လည်ပြင်ဆင်ရန်လည်း တိုက်ပွဲပြင်းထန်​နေသည့်အတွက် ခက်ခဲမှုဖြစ်​နေကြောင်း​ ပြောသည်။

လက်ရှိအချိန် ချီ​ဖွေမှထွက်သည့် လျှပ်စစ်အားကိုသာ မျှသုံး​နေရသဖြင့် မြစ်ကြီးနားတွင် လျှပ်စစ်မီးပုံမှန် မပေးနိုင်ခြင်းဖြစ်ကြောင်းလည်း​ ပြောသည်။

မြစ်ကြီးနား​ ဒေသခံတစ်ဦးကလည်း ပုံမှန်လာ​နေသည့်မီးသည် ယနေ့ညနေ ၄ နာရီ​ခန့်မှ ပြတ်သွားသည်ဟု ဆိုသည်။

ဘူဂါး‌လျှပ်စစ်ဓါတ်အား​ပေးလုပ်ငန်းမှလည်း လျှပ်စစ်ဓါတ်အားလိုင်း ကြိုးပြတ်သွားသည့်အတွက် ၄ နာရီခြားပြီး မီး​ပေး​တော့မည်ဖြစ်​ကြောင်း ဆိုသည်။

၂၀၁၂ ခုနှစ်တွင်လည်း စစ်တပ်၏ လေယာဉ်ဖြင့် ပစ်ခတ်မှုကြောင့် မလိဓါတ်အားပေးလိုင်းကြိုး ပျက်စီးမှုတစ်ကြိမ် ရှိခဲ့ကြောင်း သိရသည်။

===

The Kachin Net