တစ်နိုင်ငံလုံး၌ တိုက်ပွဲများပြင်းထန်လာနိုင်ပြီး NUG အစိုးရကို ဝန်းရံရန်လိုအပ်ကြောင်း KIO ဥက္ကဌဆို
5 February 2022 – Kachinwaves
KIO သည် အမျိုးသားညီညွတ်ရေးအစိုးရ NUG၊ လက်နက်ကိုင် တော်လှန်ရေးအဖွဲ့အစည်း အများပိုင်းနှင့် ပူးပေါင်းစည်းရုံးနေပြီဖြစ်ကြောင်း ယနေ့ကျရောက်သည့် ၆၁ နှစ်ပြည့်တော်လှန်ရေးနေ့ မိန့်ခွန်း၌ KIO ဥက္ကဌက ပြောကြားလိုက်သည်။ ယခုနှစ်တွင် တစ်နိုင်ငံလုံး၌ တိုက်ပွဲများပြင်းထန်လာနိုင်ကြောင်းလည်း ပါရှိပါသည်။
စစ်အာဏာရှင်၏ပေးကမ်းမှုကြောင့် ရရှိနေသည့် အခွင့်အရေးများသည် ရေရှည်မခံနိုင်ကြောင်းကို အားလုံးနားလည်သိရှိပြီးဖြစ်ကာ နောက်နောင်၌ နောင်တရသည့်အချိန်တွင် အချိန်နှောင်းသွားမည် ဖြစ်ကြောင်းလည်း မိန့်ခွန်း၌ ပါရှိပါသည်။
ယခုအခါ အကြမ်းဖက်စစ်အာဏာရှင်ကို တော်လှန်တိုက်ခိုက်ရန် အမည်အမျိုးမျိုးဖြင့် ဖွဲ့စည်းထားသည့် အဖွဲ့များသည် ရဲဘော်ရဲဘက်များဖြစ်ကြပြီး အားရဝမ်းသာဖြစ်မိကြောင်း၊ သို့သော် အကြမ်းဖက်အာဏာရှင်စနစ်ကို တော်လှန်ခြေမှုန်းနေသော အဖွဲ့အစည်းများအားလုံးသည် NUG အစိုးရကို ဝန်းရံရန်လိုအပ်မည်ဖြစ်ပြီး ထိုသို့မဟုတ်လျှင် ရေရှည်တွင် ပြဿနာများဖြစ်ပေါ်လာနိုင်ကြောင်း ကေအိုင်အိုဥက္ကဌက တော်လှန်ရေးနေ့မိန့်ခွန်း၌ ထည့်သွင်းပြောကြားသွားခဲ့သည်။
ကိုယ့်ဒေသအတွက် စားသောက်ရိက္ခာများဖူလုံအောင် ထုတ်လုပ်ရန်၊ နိုင်ငံရေးအကြပ်အတည်းဆိုက် ရှုပ်ထွေးနေမှုကို အခွင့်ကောင်းယူပြီး ကိုယ်ကျိုးစီးပွားရှာသည့် လုပ်ရပ်များကို ရှောင်ရှားရန်၊ ကိုယ်ကျိုးအကျိုးစီးပွားအတွက် နိုင်ငံရေးအမြတ်ထုတ်ခြင်းများကို ရှောင်ရှားရန်လည်း ပါရှိပါသည်။
လမ်းကြောပိတ်ဆို့မှုများအနှင့်အတူ ကချင်တွင် စက်သုံးဆီဈေးနှုန်း ထိုးတက်မှုအပြင် ဝယ်ယူရန်ခက်ခဲလာ 
ကံပိုင်တည်မြို့ သိမ်းခံရပြီးနောက် စစ်ကောင်စီက မြစ်ကြီးနား – ဝိုင်းမော်မြို့ ဧရာဝတီမြစ်ကူးတံတားကို ပိတ်ပစ် 
ဗန်းမောက်မြို့မှာ SNA တပ်ဖွဲ့တွေ အင်အားဖြည့်လာလို့ ပြည်သူတွေ ထွက်ပြေးနေရ 
ကချင်က နောက်ဆုံးလက်ကျန် တရားဝင်နယ်စပ်မြို့ ကံပိုင်တည်ကို KIA သိမ်းပြီ 
ကချင်ပြည်နဲ့ စစ်ကိုင်းတိုင်းအစပ်က စခန်းသိမ်းတိုက်ပွဲတွေမှာ KIA နဲ့ KPDF တပ်ဖွဲ့ဝင် ၇ ဦး ကျဆုံးခဲ့ 
ကံပိုင်တည်မြို့မှာအောင်းနေတဲ့ လက်ကျန် စစ်ကောင်စီ စစ်သားနဲ့ရဲတွေကို KIA နဲ့ ပူးပေါင်းတပ်တို့ တိုက်ခိုက်ရှင်းလင်းနေ 
အပြုံးကိုမြင်ရရင် ဝေဖန်ကဲ့ရဲ့မှုတွေကို မေ့ပျောက်သွားတယ်ဆိုတဲ့ ပရဟိတသမား ကိုဆဏ်းမောင် 
တရုတ်ဘက်ကို တောင်းတောင်းပန်ပန်နဲ့ ရောင်းနေရတဲ့ နယ်စပ်ဒေသက ရှားကောစိုက်ပျိုးတောင်သူများ 