အင်းတော်မြို့နယ် မော်လူးမြို့နှင့် ပေကုန်းရွာကြားမှာ စစ်​ကောင်စီကားနှစ်စီး မိုင်းဆွဲတိုက်ခိုက်ခံရပြီး စစ်​ကောင်စီတပ်သား နှစ်ဦး​သေ

ယ​​နေ့ ည​နေပိုင်း ၆ နာရီ​ကျော်မှာ စစ်ကိုင်းတိုင်းအထက်ပိုင်း၊ အင်းတော်မြို့နယ်

စီပိန်းရွာဘက်မှ နန့်စီးအောင်ဘက်သို့ တက်လာသည့် စစ်​ကောင်စီကားနှစ်စီးအား မော်လူးမြို့နှင့် ပေကုန်းရွာကြား၌ PDF များမှ မိုင်းခွဲတိုက်ခိုက်ခဲ့၍ စစ်ကောင်စီတပ်သား ၂ ဦး​သေဆုံးပြီး အများအပြားဒဏ်ရာရ​ရှိကြောင်း သတင်းရရှိသည်။

ယ​နေ့ ​နေ့လယ်ပိုင်းတွင်လည်း အင်းတော်မြို့နယ် နဘားရွာမှ ပင်ဝယ်ရွာဘက်သို့ မီးရထားလမ်းအတိုင်းတက်လာသော စစ်ကောင်စီစစ်အင်အား ၃၀ခန့်အား KIA နှင့် အင်းတော် PDF တို့က ပင်ဝယ်ရွာအနီးတွင် ကြားဖြတ်တိုက်ခိုက်ခဲ့ရာ စစ်​ကောင်စီစစ်သား ၃ ဦးထက်မနည်း ​သေဆုံးခဲ့​ကြောင်း သိရသည်။

တိုက်ပွဲ​ဖြစ်နေစဥ်အတွင်း ရောက်ရှိလာသော ကားသမားပြည်သူတစ်ဦးလည်း စစ်​ကောင်စီကရမ်းသမ်းပစ်ခတ်လိုက်သည့် လက်နက်ကြီးကြောင့် ထိခိုက်သေဆုံးသွားကြောင်း သိရသည်။