တရုံ ရွာ အထွက်မှာ တလူးက ဆင်းလာသည့် စစ်​ကောင်စီတပ်အား ​ကေအိုင်​အေ တိုက်ခိုက်ပြီး တိုက်ပွဲပြင်း ထန်​နေ

15 sep 2021-Kachinwaves

တနှိင်း-ရှင်​ဗွေယန် လမ်း​ပေါ်ရှိ တရုံ ရွာအထွက် မှာ စစ်​ကောင်စီ တပ်များအား ​ကေအိုင်​အေ မိုင်းခွဲတိုက်ခိုက်ခဲ့ပြီး ယ​နေ့မနက် ၆ နာရီခန့်မှ စတင်ပြီး တိုက်ပွဲ ပြင်းထန်​နေ​ကြောင်း သတင်းရရှိသည်။

” မ​နေ့က တလူးက​နေဆင်း လာတဲ့ စစ်​ကောင်စီ​တွေ နဲ့ဖြစ်​နေတာဟုတ်တယ်။မနက် ၆ နာရီ​ကျော်က စတာ အခု ၈ နာရီ​ကျော်ထိ တိုက်​နေကြတုန်းပဲ။ထိခိုက်ကျဆုံးမှုစာရင်းက အခုထိ တိုက်​နေတုန်းဆို​​တော့ မကြား​သေးဘူး။” ဟု ​ဒေသခံတစ်ဦးကဆိုသည်။

လွန်ခဲ့တဲ့ ရက်ပိုင်းကလည်း တနှိင်းက​နေ တက်လာတဲ့ စစ်​ကောင်စီ တပ်​တွေကို လဂျားဘွမ်း​ကျေးရွာနားမှာ ​ကေအိုင်​အေ က မိုင်းခွဲတိုက်ခိုက်ခဲ့ပြီး စစ်​ကောင်​စီဘက်က ၄ ဦး​သေဆုံးခဲ့သည်။

တရုံ ​ကျေးရွာဘက်မှာစစ်​ကောင်စီဘက်က အင်အားဖြည့်​နေပြီး ​ကေအိုင်​အေနှင့် စစ်​ကောင်စီတပ်တို့ စစ်​ရေးတင်းမှာ​နေသည်မှာ နှစ်ပတ်ခန့်ရှိ​နေပြီဖြစ်သည်။