နှင်းဆီပါတီ (UDP)သည် ကချင်ပြည်နယ် မဲဆန္ဒနယ်မြေအားလုံးတွင် ဝင်ရောက်ယှဉ်ပြိုင်မည့် တစ်ဦးတည်းသောပါတီဖြစ်

admin 4 years ago 1 min read

ပါတီဥက္ကဌ ဦးကျော်မြင့်ဦးဆောင်သည့် နှင်းဆီပါတီခေါ် ညီညွတ်သော ဒီမိုကရက်တစ်ပါတီ(UDP)သည် အမျိုးသားဒီမိုကရေစီ အဖွဲ့ချုပ်ပါတီ၊ ကချင်ပြည်နယ် ပြည်သူ့ပါတီတွင်ကိုကျော်ပြီး ကချင်ပြည်နယ်ရှိ မဲဆန္ဒနယ်အားလုံးတွင် ဝင်ရောက်ယှဉ်ပြိုင်သွားမည်ဖြစ်ကြောင်း သတင်းရရှိသည်။

UDP သည် တိုင်းရင်းသားလူမျိုးမဲဆန္ဒနယ်(၄)နေရာအပါ ကချင်ပြည်နယ်ရှိ မဲန္ဒနယ်မြေ ၇၀နေရာလုံးတွင် ယှဉ်ပြိုင်သွားမည်ဖြစ်သည်။

ဒုတိယအများဆုံးအနေဖြင့် အမျိုးသားဒီမိုကရေစီအဖွဲ့ချုပ်(NLD)က နောင်မွန်မြို့နယ် ပြည်နယ်လွှတ်တော်မဲဆန္ဒနယ်အမှတ်(၁)နေရာကလွဲပြီး ကျန် (၆၉) နေရာဝင်ရောက်ယှဉ်ပြိုင်သွားမည်ဖြစ်သည်။

ကချင်ပြည်နယ်ပြည်သူ့ပါတီ(KSPP)နှင့်ပြည်ထောင်စုကြံ့ခိုင်ရေးနှင့် ဖွံ့ဖြိုးရေးပါတီ(USDP)သည် အမှတ်နေရာ (၆၇) နေရာစီတွင် ဝင်ရောက်ယှဉ်ပြိုင်းသွားမည်ဖြစ်ပါသည်။

ကချင်ပြည်နယ်ပြည်သူ့ပါတီသည် ဆော့လော်မြို့နယ် ပြည်နယ်လွှတ်တော်အမှတ်(၂)နေရာနှင့် တိုင်းရင်းသားလူမျိုးမဲဆန္ဒနယ် ၂နေရာက လွဲပြီး ကျန်နေရာအားလုံးတွင် ယှဉ်ပြိုင်သွားမည်ဖြစ်သည်။

လီဆူအမျိုးသား ဖွံ့ဖြိုးတိုးတက်ရေးပါတီ(ဒူးလေးပါတီ)က မဲဆန္ဒနယ် ၂၂နေရာတွင် ဝင်ရောက်ယှဉ်ပြိုင်သွားမည်ဖြစ်ပြီး ပါတီဥက္ကဌဦးရွှေမင်းကလည်း လီဆူတိုင်းရင်းသားရေးရာဝန်ကြီးနေရာတွင် ဝင်ရောက်ယှဉ်ပြိုင်သွားမည်ဖြစ်သည်။

ကချင်အမျိုးသား ကွန်ဂရက်ပါတီ (KNC)သည် မဲဆန္ဒနယ် (၁၅)နေရာတွင် ယှဉ်ပြိုင်သွားမည်ဖြစ်သလို ပါတီဥက္ကဌ ဒေါက်တာ M Kawn La က မိုးမောက်မြို့နယ် အမျိုးသားလွှတ်တော် မဲဆန္ဒနယ်အမှတ်(၄)နေရတွင် ဝင်ရောက်ယှဉ်ပြိုင်သွားမည်ဖြစ်သည်။

ကချင်ပြည်နယ်ရှိ မဲဆန္ဒနယ်အသီးသီးတွင် လွှတ်တော်ကိုယ်စားလှယ်လောင်း (၄၈၀)ဦး ဝင်ရောက်ယှဉ်ပြိုင်သွားမည်ဖြစ်သည်။

ကချင်ပြည်နယ်တွင် မဲပေးနိုင်သူဦးရေ ဆယ်သိန်းကိုးသောင်းကျော်ရှိကြောင်း သိရသည်။