ဖားကန့်ကျောက်ဝိုင်းအနီး ပေါက်ကွဲမှုဖြစ်

ကချင်ပြည်နယ် ဖားကန့်မြို့ကျောက်ဝိုင်းတွင် ယနေ့ည ၉နာရီခန့်တွင် ဗုံးပေါက်ကွဲမှု ဖြစ်ပွားခဲ့ကြောင်း ဒေသခံတစ်ဦးကပြောသည်။

လက်ရှိအချိန် စစ်ကောင်စီစစ်သားများ လှည့်လည် စစ်ဆေးမှုများပြုလုပ်နေကြောင်း ဆိုသည်။

ယနေ့ည၈နာရီခွဲခန့်တွင်လည်း ဥရုရတနာကျောက်စိမ်းတံတားထိပ်တွင် ဂိတ်စောင့်နေသည့် စစ်ကောင်စီစစ်သားများမှ ခရီးသည်ယာဥ်တစ်စီးကို ရပ်ခိုင်းရာ ၎င်းယာဥ် မရပ်သည့်အတွက် သေနတ်ပစ်ခတ်ခဲ့ကြောင်း ဒေသခံတစ်ဦးကပြောသည်။

“အဲ့တံတားထိပ်မှာ စောင့်တဲ့ စစ်သားတွေ ခရီးသည်ယာဥ်တစ်စီးကို ရပ်ခိုင်းတာ မရပ်လို့ သေနတ်ပစ်ခတ်ခဲ့တယ်။ ထိခိုက်မှုရှိလားတော့ အတိအကျမသိဘူး။ အဖမ်းခံရတဲ့ လူတော့ရှိတယ်တဲ့”ဟုဒေသခံတစ်ဦးကပြောသည်။

မေ ၁၃ရက်နေ့တွင်လည်း ဖားကန့်မြို့နယ် ကာမိုင်းမြို့ရှိ စစ်ကောင်စီတပ်နှင့် ပြည်သူ့စစ်ပူးပေါင်း စစ်ဆေးရေးဂိတ် မီးရှို့ဖျက်ဆီးခံခဲ့ရသည်။