ဒုတိယဗိုလ်ချုပ်ကြီး R ခေါင်လွမ်း အား လွမ်းဆွတ် တမ်းတသော အားဖြင့် တစ်မိနစ်ငြိမ်သက် အလေးပြုခြင်း PDF များ ပြုလုပ်ခဲ့

အမျိုးသားညီညွတ်ရေးအစိုးရ ကာကွယ်ရေးဝန်ကြီးဌာန၏ ပြည်သူ့ကာကွယ်ရေးတပ်ဖွဲ့များမှ KIA စစ်ဦးစီးချုပ်၊ အမှတ်(၁) စစ်ဒေသ စစ်ဒေသမှူး၊ ဒုတိယဗိုလ်ချုပ်ကြီး R ခေါင်လွမ်း (Rukhkyawng Hkawng Lum) အား လွမ်းဆွတ် တမ်းတသော အားဖြင့် တစ်မိနစ်ငြိမ်သက် အလေးပြု အခမ်းအနား ပြုလုပ်ခဲ့ကြကြောင်း NUG ကာကွယ်ရေးဝန်ကြီးဌာနက ထုတ်ပြန်ထားသည်။

ဆားလင်းကြီးမြို့နယ် လက်ရုံးတပ်ဖွဲ့ (ပကဖ)၊ ပြည်သူ့ကာကွယ်ရေးအဖွဲ့ (ပုသိမ်ကြီး-ပကဖ)၊ ပြည်သူ့ကာကွယ်ရေးအဖွဲ့ (ချမ်းမြသာစည်-ပကဖ)၊ ပြည်သူ့ကာကွယ်ရေးအဖွဲ့ (စစ်ကိုင်းတိုင်းပကဖရုံး)နှင့် ပြည်သူ့ကာကွယ်ရေးအဖွဲ့ (ကလေးခရိုင်ပကဖ-လက်ရုံးတပ်ဖွဲ့) တပ်ခွဲ (၁) တို့က KIA စစ်ဦးစီးချုပ်၊ ပြည်သူ့ကာကွယ်ရေးတပ်မတော်၊ အမှတ်(၁) စစ်ဒေသ၊ စစ်ဒေသမှူး၊ ဒုတိယဗိုလ်ချုပ်ကြီး R ခေါင်လွမ်း အား လွမ်းဆွတ် တမ်းတသော အားဖြင့် တစ်မိနစ်ငြိမ်သက် အလေးပြု အခမ်းအနား ပြုလုပ်ခဲ့ကြသည်ဟု ကာကွယ်ရေးဝန်ကြီးဌာန၏ Facebook စာမျက်နှာတွင် ဖော်ပြထားသည်ကို တွေ့ရသည်။

KIA စစ်ဦးစီးချုပ်၊ အမှတ် (၁) စစ်ဒေသ စစ်ဒေသမှူး၊ ဒုတိယဗိုလ်ချုပ်ကြီး R ခေါင်လွမ်း (Rukhkyawng Hkawng Lum) သည် အသည်းရောဂါကြောင့် မေလ ၁၃ ရက်နေ့ ညနေ ၆ နာရီကျော်အချိန်တွင် ခရစ်တော်၌ အိပ်ပျော်ခဲ့ရခြင်းဖြစ်ပြီး ယနေ့ မေလ ၁၆ ရက်နေ့တွင် မြေမြုပ်သင်္ဂြိုလ်ခဲ့ခြင်း ဖြစ်သည်။