စစ်ကူပို့ပြီး ပြန်လာသည့် စစ်ကောင်စီကား ဒေါ့ဖုန်းယန်မှ နွားများကို တိုက်သတ်သွားခဲ့

4 November 2023 – Kachinwaves

မြစ်ကြီးနား – ဗန်းမော်လမ်းရှိ ခယာဘွမ်စစ်ကောင်စီတပ်စခန်းကို စစ်ကူအင်အားပို့ပြီး ပြန်လာသည့် စစ်ကောင်စီယာဉ်တန်းက မိုးမောက်မြို့နယ် ဒေါ့ဖုန်းယန်မှ နွားများကို တိုက်သတ်သွားခဲ့ကြောင်း သိရသည်။

နိုဝင်ဘာ ၃ ရက်နေ့တွင် စစ်ကောင်စီကား ၁၇ စီးဖြင့် ခယာဘွမ်ရှိတပ်စခန်းသို့ စစ်ကူအင်အားပို့ထားခဲ့ပြီး ပြန်လာသည့် ကားများဖြစ်ကြောင်းနှင့် တိုက်သတ်ခံရသည့် နွားငါးကောင်ဖြစ်ကြောင်း KIO သတင်းနှင့် ပြန်ကြားရေး သတင်းရင်းမြစ်အရ သိရသည်။

မြစ်ကြီးနား – ဗန်းမော်လမ်းကြောင်းတွင် စစ်ကောင်စီတပ်က စစ်ရေးလှုပ်ရှားနေဆဲဖြစ်ပြီး၊ အောက်တိုဘာလှကုန်မှစပြီး လိုင်ဇာမြို့ဘက်ကိုလည်း လက်နက်ကြီးများနှင့် လေယာဉ်များဖြင့် ဆက်တိုက် ပစ်ခတ်နေကြာင်း သိရသည်။