U La Goi Yang She N’htoi Htoi A Ni?

: .

Wunpawng myusha ni a majun hta mungkan ntsa nga pra ai hkrung mahkrung, tu matu mahkra a lapran hta, jahpawt manap jau jau e, jan chyinghka hpaw ai nsen hpe, “u la” sha na ai lam tsun hkai ma ai. Dai majaw u la gaw jan chyinghka hpaw ai nsen hpe na ai shaloi, mungkan ting hpe jan chyinghka hpaw sai lam, shana ya ai re nga nna tsun hkai ma ai re. “Dai gaw u la goi ai hte nhtoi htoi ai a majun maumwi rai nga ai.

Tsun shaga ai ga hte htunghking ni hta dai amyu ni a manu shadan ai lam, makam lam ni rawng nga ai re. Anhte Wunpawng myusha ni a ga malai hta ” ’ , ’ ” ngu nga ai. Ndai ga malai hta hkan nna shinggyim la sha ni tsun shaga yang, galaw yang she mahtai mu lachyum pru ai ngu ai hku nna, anhte ni law law wa amyushayi num ni hpe shagrit ai, yu kaji ai, ahkyak n shatai ai myit jasan ni rawng lai wa saga ai.

Lai sai ten na zawn sha daini na shinggyim wuhpung wuhpawng ni hta mung, ga malai a lachyum hte maren, la ni hpe sha ahkyak shatai nga ai ni law law naw rai nga ai. Amyushayi num ni galaw ai, shakut ai, nsen shapraw ai, shanglawm dawjau ai lam ni gaw, u yi goi ai nsen zawn sha n ahkyak ai, lachyum n pru akyu n rawng ai ngu, chye na hkam la ai ni naw, law nga ai re. La ni gaw woi awn ai, maga mi de num ni gaw hkan nang ra ai ngu hkam la ai lachyum mung rawng nga ai. Num ni gaw nau n shaga lawm ra ai, n woi awn ra ai, hpa lit n la ra ai ngu ai hku mung, chye na la mai nga ai.

Lai sai ten hta gara hku tsun lang wa ai rai timung, daini na Wunpawng ni a wuhpung wuhpawng hta gaw, ndai ga malai hpe bai myit yu ra ai lam ni nga nga sai re. U la kade goi tim n’htoi n htoi ai dinghku, wuhpung wuhpawng ni mung pri rai nga ai. Aten n tam hkrup mara rawt goi ai u la ni zawn, akyu n rawng ai la ni a nsen mung, law law rai nga ai. N’thoi n lu sinmak ai shinggyim wuhpawng gaw, n’htoi hpe mu lu na matu, shakut shaja ai lam hta la ni hkrai, num ni hkrai n mai nga ai re. Amyu mungdan gawgap ai magam bungli hta num ni galaw ra ai, la ni galaw ra ai lam ni law law nga ai zawn, num la rau jawm galaw ra ai magam lit ni mung, law law rai nga ai. Num ni a lit hpe shagrit da, num ni a nsen hpe n sawn ya, num ni hpe manu n shadan ai rai yang, anhte a amyu mungdan gawgap ai lam gaw ra rawng ai, gawngkya ai lam ni law law rai nga na re.

Daini na ten hta ’ . Dai majaw num ni hta rawng ai atsam marai ni hpe manu shadan shara jaw, akyu jashawn jai lang chye ai hte n’htoi de hkawm sa nga ga ngu hpungdim dat nngai. Chyeju kaba sai.